RAIN| സംസ്ഥാനത്ത് മഴ ശക്തമാകുന്നു; വിവിധ ജില്ലകളില് മുന്നറിയിപ്പ്; ശക്തമായ കാറ്റിനും സാധ്യത
Jaihind TV News Report
Jaihind TV Web Desk
June 10, 2025
1 min read
•
Updated: June 09, 2026
സംസ്ഥാനത്ത് ഈ ആഴ്ച അതിശക്തമായ മഴയ്ക്ക് സാധ്യതയെന്ന് മുന്നറിയിപ്പ്. പടിഞ്ഞാറന് കാറ്റ് ശക്തമാകുന്ന സാഹചര്യത്തിലാണിത്. വിവിധ ജില്ലകളില് യെല്ലോ, ഓറഞ്ച് അലര്ട്ടുകള് പ്രഖ്യാപിച്ചു. ഇന്ന് രാവിലെ നല്കിയ മുന്നറിയിപ്പ് പ്രകാരം അടുത്ത മൂന്ന മണിക്കൂറില് മലപ്പുറം ജില്ലയില് ഒറ്റപ്പെട്ടയിടങ്ങളില് ഇടത്തരം മഴയ്ക്കും പത്തനംതിട്ട, ആലപ്പൂഴ, കോട്ടയം, എറണാകുളം, തൃശൂര്, കോഴിക്കോട്, കണ്ണൂര്, കാസര്ഗോഡ് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
നാളെ ആലപ്പുഴ, കോട്ടയം, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ് യില്ലകളില് യെല്ലോ അലര്ട്ടാണ്. ജാഗ്രതയുടെ ഭാഗമായി വ്യാഴാഴ്ച എറണാകുളം, തൃശൂര്, പാലക്കാട്, കോഴിക്കോട് ജില്ലകളിലും വെള്ളിയാഴ്ച മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. ഇന്നും നാളെയും കേരളത്തില് ഒറ്റപ്പെട്ടയിടങ്ങളില് മണിക്കൂറില് 30 മുതല് 40 കിലോമീറ്റര് വരെ ശക്തമായ കാറ്റിനും സാധ്യതയുള്ളതായി മുന്നറിയിപ്പുണ്ട്.
ഇന്നും നാളെയും തെക്കന് ബംഗാള് ഉള്ക്കടല് , ആന്ഡമാന് കടല് , വടക്കന് തമിഴ്നാട് തീരം എന്നിവിടങ്ങളില് മണിക്കൂറില് 45 കിലോമീറ്റര് വരെയോ 55 കിലോമീറ്റര് വരെയോ വേഗതയില് കാറ്റിനും മോശം കാലാവസ്ഥയ്ക്കും സാധ്യത. മറ്റന്നാള് തെക്കന് കൊങ്കണ് തീരത്തും ഗോവന് തീരം മാലിദ്വീപ് തീരം തെക്കന് ബംഗാള് ഉള്ക്കടല്, മധ്യ ബംഗാള് ഉള്ക്കടല്, ആന്ഡമാന് കടല്, വടക്കേ തമിഴ്നാട് തീരം എന്നിവിടങ്ങളില് 35 - 45 കിലോമീറ്റര് വരെയോ ചില അവസരങ്ങളില് 55 കിലോമീറ്റര് വരെയും വേഗതയിലുള്ള ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് ഈ പ്രദേശങ്ങളില് മത്സ്യബന്ധനത്തിന് പോകാന് പാടില്ല.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10