പി എസ് സി പരീക്ഷാ ക്രമക്കേടില്‍ അന്വേഷണം ഊര്‍ജ്ജിതമാക്കി ക്രൈംബ്രാഞ്ച് സംഘം. പി എസ് സി ആസ്ഥാനത്ത് ക്രൈം ബ്രാഞ്ച് സംഘമെത്തി പ്രാഥമിക അന്വേഷണം ആരംഭിച്ചു. പിഎസ്സി ചെയര്‍മാനുമായി ഐജി അജിത ബീഗവും സംഘവും കൂടിക്കാഴ്ച നടത്തി. അന്വേഷണത്തിനായി ലഭിക്കേണ്ട രേഖകളെ സംബന്ധിച്ച വിവരങ്ങള്‍ ചെയര്‍മാനെ എസ് ഐ റ്റി സംഘം ധരിപ്പിച്ചു.
അന്വേഷണവുമായി സഹകരിക്കുമെന്ന് പി എസ് സി ചെയര്‍മാന്‍ ഉദ്യോഗസ്ഥരെ അറിയിച്ചതായാണ് സൂചന. അജിത ബീഗത്തിന് പുറമേ എസ് പി സക്കറിയ മാത്യു, ഡി വൈ എസ് പി അജയ് നാഥ് എന്നിവര്‍ അടങ്ങിയ എസ്‌ഐടി സംഘമാണ് പിഎസ്സി ആസ്ഥാനത്ത് എത്തിയത്. രാവിലെ പി എസ് സി യോഗം ചേര്‍ന്നിരുന്നു. പിഎസ്സിയുടെ ആഭ്യന്തര വിജിലന്‍സ് അന്വേഷണവും തുടരുകയാണ്.
ക്രൈംബ്രാഞ്ച് പി എസ് സി ആസ്ഥാനത്ത്; ക്രമക്കേടില്‍ അന്വേഷണം തുടങ്ങി
Jaihind TV News Report
Jaihind TV Web Desk
Updated Oct 12, 2026
1 min read
376 reads
