കണ്ണൂരില്‍ കെ എസ് യു പ്രവര്‍ത്തകനെ മര്‍ദിച്ച സംഭവത്തില്‍ എട്ട് എസ് എഫ് ഐ പ്രവര്‍ത്തകര്‍ക്കെതിരെ കേസ്. കോളേജ് വിട്ട് വീട്ടിലേക്ക് പോകുമ്പോള്‍ കെ എസ് യു പ്രവര്‍ത്തകന്‍ കണ്ണൂര്‍ കാട്ടാമ്പള്ളിയിലെ പി അഭിനവിനെ എസ് എഫ് ഐ പ്രവര്‍ത്തകര്‍ മര്‍ദിക്കുകയായിരുന്നു. ഇന്നലെ വൈകിട്ട് കണ്ണൂര്‍ താഴെചൊവ്വയില്‍ വെച്ചായിരുന്നു മര്‍ദ്ദനം.
സ്‌കൂട്ടര്‍ തടഞ്ഞു നിര്‍ത്തിയായിരുന്നു മര്‍ദനം. സ്‌കൂട്ടറിന്റെ താക്കോല്‍ ഊരിയെടുത്ത ശേഷം സ്റ്റീല്‍ വള, ഇരുമ്പ് പൈപ്പ് എന്നിവ ഉപയോഗിച്ച് മര്‍ദിക്കുകയായിരുന്നുവെന്നാണ് പരാതി. പരിക്കേറ്റ അഭിനവ് ജില്ലാ ആശുപത്രിയില്‍ ചികിത്സ തേടി.
