Rain| സംസ്ഥാനത്ത് അതിശക്ത മഴ തുടരും; ഇന്ന് മൂന്ന് ജില്ലകളില് ഓറഞ്ച് അലര്ട്ട്, ആറ് ജില്ലകളില് യെല്ലോ അലര്ട്ട്
Jaihind TV News Report
Jaihind TV Web Desk
August 19, 2025
1 min read
•
Updated: June 10, 2026
സംസ്ഥാനത്ത് ഇന്നും അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. മധ്യ-വടക്കന് ജില്ലകളിലാണ് കനത്ത മഴയ്ക്ക് കൂടുതല് സാധ്യത. ഇതിന്റെ ഭാഗമായി വിവിധ ജില്ലകളില് ഓറഞ്ച്, മഞ്ഞ അലര്ട്ടുകള് പ്രഖ്യാപിച്ചിട്ടുണ്ട്. കൂടാതെ, കേരള, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കും ഏര്പ്പെടുത്തി. അടുത്ത മൂന്ന് മണിക്കൂറിനുള്ളില് കൊല്ലം, കണ്ണൂര്, കാസര്ഗോഡ് ജില്ലകളില് നേരിയ മഴയ്ക്കും മണിക്കൂറില് 30 കിലോമീറ്റര് വരെ വേഗതയില് കാറ്റിനും സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
വയനാട്, കണ്ണൂര്, കാസര്ഗോഡ് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. ഇവിടെ ഒറ്റപ്പെട്ടയിടങ്ങളില് അതിശക്തമായ മഴയാണ് പ്രവചിക്കുന്നത്. അതിശക്തമായ മഴ എന്നാല് 24 മണിക്കൂറില് 115.6 മില്ലിമീറ്റര് മുതല് 204.4 മില്ലിമീറ്റര് വരെ മഴ ലഭിക്കുമെന്നാണ് അര്ത്ഥമാക്കുന്നത്.
ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളില് മഞ്ഞ അലര്ട്ടും പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ അലര്ട്ടുകള് സൂചിപ്പിക്കുന്നത്. ശക്തമായ മഴ എന്നത് 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യമാണ്.
കേരള, ലക്ഷദ്വീപ് തീരങ്ങളില് ഇന്നും, കര്ണാടക തീരത്ത് ഇന്നും നാളെയും മത്സ്യബന്ധനത്തിന് പോകാന് പാടില്ല. ഈ പ്രദേശങ്ങളില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. കേരള-ലക്ഷദ്വീപ് തീരങ്ങളില് മണിക്കൂറില് 40 മുതല് 50 കി.മീ വരെയും ചിലപ്പോള് 60 കി.മീ വരെയും വേഗതയില് കാറ്റ് വീശിയേക്കാം. കര്ണാടക തീരത്ത് ഇന്നും നാളെയും മണിക്കൂറില് 40 മുതല് 50 കി.മീ വരെയും ചിലപ്പോള് 60 കി.മീ വരെയും വേഗതയില് കാറ്റ് വീശാന് സാധ്യതയുണ്ട്.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10