കോവിഡ് 19: ബിവറേജസ് ഔട്ട്ലെറ്റുകൾ പൂട്ടുന്നതുൾപ്പടെ ഏഴിന നിർദേശങ്ങളുമായി മുഖ്യമന്ത്രിക്ക് ഉമ്മൻ ചാണ്ടിയുടെ കത്ത്
Jaihind TV News Report
Jaihind TV Web Desk
March 16, 2020
1 min read
•
Updated: June 10, 2026
തിരുവനന്തപുരം: കേരളത്തില് കോവിഡ് 19 പടരുന്ന സാഹചര്യത്തില് ബിവറേജസ് കോര്പ്പറേഷനിലേയും കണ്സ്യൂമര്ഫെഡിന്റേയും മദ്യഷോപ്പുകളിലെ തിരക്ക് ഒഴിവാക്കുവാന് ഔട്ട്ലെറ്റുകൾ പൂട്ടണമെന്ന് മുന്മുഖ്യമന്ത്രി ഉമ്മന്ചാണ്ടി മുഖ്യമന്ത്രിക്ക് അയച്ച കത്തില് ആവശ്യപ്പെട്ടു. ഇതുള്പ്പടെ ഏഴിന നിര്ദേശങ്ങളും മുഖ്യമന്ത്രിക്ക് നല്കിയ കത്തിലുണ്ട്. രോഗം വ്യാപിക്കാതിരിക്കുവാനും രോഗികള്ക്ക് പരമാവധി മെച്ചപ്പെട്ട ചികിത്സ നല്കുവാനും ജനങ്ങളുടെ ദുരിതം പരമാവധി പരിമിതപ്പെടുത്തുവാനുമാണ് ഈ നിര്ദേശങ്ങളെന്ന് ഉമ്മന്ചാണ്ടി ചൂണ്ടിക്കാട്ടി.
മുഖ്യമന്ത്രിക്ക് നല്കിയ കത്തിലെ നിര്ദേശങ്ങള്:
1) കോവിഡ്-19 സാമ്പത്തിക രംഗം പാടെ തകര്ത്തിരിക്കുകയാണ്. തൊഴില്നഷ്ടം, വ്യാപാരരംഗത്തെ മാന്ദ്യം, കാര്ഷിക ഉല്പങ്ങളുടെ വിലയിടിവ് തുടങ്ങിയ സാഹചര്യത്തില് ബാങ്കുകളുടെയും-സഹകരണ സ്ഥാപനങ്ങളിലേയും കടങ്ങള്ക്ക് ഒരുവര്ഷത്തേയ്ക്കു മോറട്ടോറിയം നല്കണം. മുഖ്യമന്ത്രി അടിന്തരമായി ബാങ്കുകളുടെ യോഗം വിളിച്ച് ജപ്തി നടപടികള് നിര്ത്തിവയ്ക്കുവാന് തീരുമാനമെടുപ്പിക്കുകയും സഹകരണ ബാങ്കുകള്ക്ക് ഗവണ്മെന്റ് നിര്ദ്ദേശം നല്കുകയും വേണം.
2) വീടുകളിലും ആശുപത്രികളിലും നിരീക്ഷണത്തില് കഴിയുന്നവരില് സാമ്പത്തിക സഹായം ആവശ്യമുള്ള കുടുംബങ്ങള്ക്ക് സഹായം നല്കുന്നതിന് വേണ്ട നിര്ദ്ദേശം ജില്ലാ കളക്ടര്മാര്ക്ക് നല്കണം.
3) ക്ഷേമനിധി പെന്ഷനുകളും സാമൂഹ്യക്ഷേമ പെന്ഷനുകളുടെയും കുടിശിക സഹിതം അടിയന്തരമായി വിതരണം ചെയ്യണം.
4) തൊഴില്ഉറപ്പ് തൊഴിലാളികള്ക്കും കൈത്തറി തൊഴിലാളികള്ക്കും കൊടുക്കേണ്ട കുടിശിക നല്കുക, സമൂഹത്തിലെ മറ്റ് ദുര്ബല വിഭാഗങ്ങള്ക്ക് ഗവമെന്റ് കൊടുത്തു തീര്ക്കുവാന് ബാധ്യതയുള്ള ഫണ്ടുകള് കുടിശ്ശിക സഹിതം കൊടുക്കുക തുടങ്ങിയ നടപടികള് സ്വീകരിച്ചാല് സാമ്പത്തിക രംഗത്തെ മരവിപ്പ് ഒരുപരിധി വരെ കുറയ്ക്കുവാന് സാധിക്കും. സാധാരണക്കാര്ക്ക് അതു വലിയ ആശ്വാസമാകുകയും ചെയ്യും.
5) എട്ട്, ഒന്പത് ക്ലാസുകളില് മാര്ച്ച് 20, 27, 30 തീയതികളില് വച്ചിരിക്കുന്ന പരീക്ഷകള് റദ്ദ് ചെയ്യുക.
6) ഇറാനിലുള്ള മത്സ്യത്തൊഴിലാളികള് ഉള്പ്പെടെ വിദേശ രാജ്യങ്ങളില് കുടുങ്ങിക്കിടക്കുന്ന എല്ലാവരെയും തിരിച്ച് കൊണ്ടുവരുന്നതിന് കേന്ദ്ര ഗവമെന്റിനോട് ആവശ്യപ്പെട്ട് സത്വര നടപടികള് സ്വീകരിക്കണം.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10