'മുഖ്യമന്ത്രിയുടെ മലപ്പുറം പരാമര്ശം ഡല്ഹിയിലെ സംഘപരിവാര് ഏമാന്മാരെ സന്തോഷിപ്പിക്കാന്'; മുഖ്യമന്ത്രിയെ കടന്നാക്രമിച്ച് പ്രതിപക്ഷനേതാവ്
Jaihind TV News Report
Jaihind TV Web Desk
October 01, 2024
1 min read
•
Updated: June 06, 2026
തിരുവനന്തപുരം: സ്വര്ണ്ണക്കള്ളക്കടത്തിലൂടെ മലപ്പുറത്ത് എത്തുന്ന പണം രാജ്യദ്രോഹ പ്രവര്ത്തനങ്ങള്ക്കുള്ളതാണെന്ന മുഖ്യമന്ത്രിയുടെ പരാമര്ശം ഡല്ഹിയിലെ സംഘ്പരിവാര് ഏമാന്മാരെ സന്തോഷിപ്പിക്കാനുള്ളതാണെന്ന് പ്രതിപക്ഷനേതാവ് വി.ഡി സതീശന്. നിയമസഭയ്ക്ക് അകത്തോ പുറത്തോ ഇതുവരെ പറയാത്ത കാര്യമാണ് ഡല്ഹിയില് വച്ച് ദേശീയ മാധ്യമത്തോട് മുഖ്യമന്ത്രി പറഞ്ഞത്. എന്ത് വിവരത്തിന്റെ അടിസ്ഥാനത്തിലാണ് ഈ വെളിപ്പെടുത്തലെന്ന് മുഖ്യമന്ത്രി വ്യക്തമാക്കണം. ദേശവിരുദ്ധ പ്രര്ത്തനങ്ങള്ക്ക് സ്വര്ണക്കടത്തിലൂടെ പണം ലഭിച്ചെങ്കില് അവര്ക്കെതിരെ എന്ത് നടപടിയാണ് സംസ്ഥാന സര്ക്കാരും പൊലീസും സ്വീകരിച്ചതെന്നും പറയാനുള്ള ബാധ്യത മുഖ്യമന്ത്രിക്കുണ്ട് എന്നും അദ്ദേഹം വ്യക്തമാക്കി.
മുഖ്യമന്ത്രി പറയുന്നത് ശരിയെങ്കില് അത് ഗൗരവ സ്വഭാവമുള്ളതാണ്. അങ്ങനെയെങ്കില് ഇത്രനാളും ഇക്കാര്യം മറച്ചുവച്ചതെന്തിന് എന്നും പ്രതിപക്ഷനേതാവ് ചോദിച്ചു. സംഘപരിവാറുമായി മുഖ്യമന്ത്രിക്കും സി.പി.എമ്മിനുമുള്ള അവിശുദ്ധ ബാന്ധവം പ്രതിപക്ഷം തുറന്നു കാട്ടിയതിനു പിന്നാലെയാണ് മുഖ്യമന്ത്രിയുടെ വെളിപ്പെടുത്തല് വരുന്നത്. ആര്.എസ്.എസ് ബാന്ധവം പുറത്തായതിന്റെ ജാള്യത മറയ്ക്കാനുള്ള പരിചയായി മാത്രമെ മുഖ്യമന്ത്രിയുടെ പരാമര്ശത്തെ കാണാനാകൂവെന്നും വി.ഡി സതീശന് വ്യക്തമാക്കി.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10