കര്‍ണ്ണാടകത്തില്‍ നിന്നുമുള്ള പാല്‍ ലഭ്യത കൂട്ടാന്‍ ഇടപെടണം, കര്‍ണ്ണാടക മുഖ്യമന്ത്രി ഡി.കെ ശിവകുമാറിന് നിവേദനം സമര്‍പ്പിച്ച് മന്ത്രി ബിന്ദുകൃഷ്ണ

ബാംഗ്ലൂര്‍: കര്‍ണാടകത്തില്‍ നിന്നും കേരളത്തിലേക്കുള്ള പാല്‍ ലഭ്യത കൂട്ടാന്‍ ഇടപെടണമെന്ന് കര്‍ണാടക മുഖ്യമന്ത്രി ഡികെ ശിവകുമാറിനോട് സംസ്ഥാന ക്ഷീര വികസന വകുപ്പ് മന്ത്രി ബിന്ദു കൃഷ്ണ അഭ്യര്‍ത്ഥിച്ചു. ബാംഗ്ലൂരില്‍ മുഖ്യമന്ത്രിയുടെ വസതി സന്ദര്‍ശിച്ച് നിവേദനം സമര്‍പ്പിക്കുകയായിരുന്നു ബിന്ദു കൃഷ്ണ. ക്ഷീര മേഖലയില്‍ പാലിനും, പാല്‍ ഉല്‍പന്നങ്ങള്‍ക്കുമായി കര്‍ണാടക സംസ്ഥാനത്തെ കേരളം കൂടുതലായി ആശ്രയിച്ചിരുന്നു.

എന്നാല്‍ ഇപ്പോള്‍ കര്‍ണ്ണാടകത്തില്‍ നിന്നുമുള്ള പാലിന്റെ ലഭ്യതയില്‍ വലിയ കുറവാണ് ഉണ്ടായിരിക്കുന്നത്. ഇത് മേഖലയെ ബാധിക്കുന്നുണ്ട് എന്ന് മന്ത്രി ബിന്ദു കൃഷ്ണ കര്‍ണാടക മുഖ്യമന്ത്രിയെ അറിയിച്ചു. ഈ സ്ഥിതി തുടര്‍ന്നാല്‍ പാലിന് വേണ്ടി തമിഴ്‌നാട്, ആന്ധ്രാ പ്രദേശ് ഉള്‍പ്പെടെയുള്ള മറ്റ് സംസ്ഥാനങ്ങളെ കൂടുതലായി ആശ്രയിക്കേണ്ടതായി വരുമെന്നും മന്ത്രിയുടെ നിവേദനത്തില്‍ പറയുന്നു. വിഷയം ഗൗരവകരമായി കണ്ട് നടപടികള്‍ ഉണ്ടാകുമെന്ന് കര്‍ണാടക മുഖ്യമന്ത്രി ഡി.കെ ശിവകുമാര്‍ മന്ത്രി ബിന്ദു കൃഷ്ണയ്ക്ക് ഉറപ്പുനല്‍കി.