സംസ്ഥാനത്ത് കാലവര്ഷം നാളെയെത്തും; ഇന്ന് എല്ലാ ജില്ലകളിലും മഴ മുന്നറിയിപ്പ്, നാല് ജില്ലകളില് ഓറഞ്ച് അലര്ട്ട്
തിരുവനന്തപുരം: സംസ്ഥാനത്ത് തെക്കുപടിഞ്ഞാറന് കാലവര്ഷം (ഇടവപ്പാതി) നാളെയോടെ എത്തിച്ചേരുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. തെക്കന് കേരള തീരത്തോട് ചേര്ന്ന്, തെക്കുകിഴക്കന് അറബിക്കടലിന് മുകളില് നിലനില്ക്കുന്ന ചക്രവാതച്ചുഴിയുടെ സ്വാധീനഫലമായാണ് കാലവര്ഷം നാളെ കേരളക്കരയില് തൊടുന്നത്. ഇതിന്റെ ഫലമായി ജൂണ് 8 വരെയുള്ള തീയതികളില് കേരളത്തിലും മാഹിയിലും പരക്കെ ഇടിമിന്നലോടു കൂടിയ ശക്തമായ മഴയ്ക്ക് സാധ്യതയുണ്ട്. മഴയ്ക്കൊപ്പം മണിക്കൂറില് 40 മുതല് 50 കിലോമീറ്റര് വരെ വേഗതയുള്ള ശക്തമായ കാറ്റും വീശിയടിച്ചേക്കാമെന്നും മുന്നറിയിപ്പില് പറയുന്നു.
അടുത്ത ദിവസങ്ങള്ക്കുള്ളില് തെക്കുപടിഞ്ഞാറന്, തെക്കുകിഴക്കന് അറബിക്കടലിന്റെ കൂടുതല് ഭാഗങ്ങളിലേക്കും ലക്ഷദ്വീപ്, തമിഴ്നാട്ടിലെ ചില പ്രദേശങ്ങള്, ബംഗാള് ഉള്ക്കടലിന്റെ ഭൂരിഭാഗം മേഖലകള് എന്നിവടങ്ങളിലേക്കും കാലവര്ഷം പൂര്ണ്ണമായി വ്യാപിക്കാന് അനുകൂല സാഹചര്യമാണുള്ളത്. ഇതിനിടെ കാലവര്ഷ മുന്നോടിയായി ഇന്ന് സംസ്ഥാനത്തെ എല്ലാ ജില്ലകളിലും മഴ മുന്നറിയിപ്പ് പുറപ്പെടുവിച്ചിട്ടുണ്ട്.
തീവ്രമഴയ്ക്കുള്ള സാധ്യത കണക്കിലെടുത്ത് ആലപ്പുഴ, കോട്ടയം, എറണാകുളം, തൃശൂര് എന്നീ നാല് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ബാക്കി പത്ത് ജില്ലകളില് യെല്ലോ അലര്ട്ടും നിലവിലുണ്ട്.
തുടര്ച്ചയായി മഴ പെയ്യാന് സാധ്യതയുള്ളതിനാല് ഉരുള്പൊട്ടല്, മണ്ണിടിച്ചില്, മലവെള്ളപ്പാച്ചില് എന്നിവയ്ക്ക് സാധ്യതയുള്ള പ്രദേശങ്ങളില് താമസിക്കുന്നവര് അതീവ ജാഗ്രത പാലിക്കണമെന്ന് ദുരന്തനിവാരണ അതോറിറ്റി നിര്ദേശിച്ചു. അപകട മേഖലകളില് ഉള്ളവര് അധികൃതരുടെ നിര്ദേശാനുസരണം സുരക്ഷിതമായ ക്യാമ്പുകളിലേക്കോ ബന്ധുവീടുകളിലേക്കോ മാറി താമസിക്കാന് തയ്യാറാകണമെന്നും അധികൃതര് മുന്നറിയിപ്പ് നല്കി.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.