ASHA NILAMBUR| ആശമാര് ഇന്ന് നിലമ്പൂരില്; സര്ക്കാരിനെതിരെ പ്രചരണത്തിനിറങ്ങും
Jaihind TV News Report
Jaihind TV Web Desk
June 12, 2025
1 min read
•
Updated: June 09, 2026
നിലമ്പൂരില് എം സ്വരാജിനും സര്ക്കാരിനുമെതിരെ പ്രചരണത്തിനായി ആശാവര്ക്കര്മാര് ഇന്നിറങ്ങും. ആശാ സമരത്തോടുള്ള സര്ക്കാരിന്റെ ജനാധിപത്യവിരുദ്ധ സമീപനത്തിനെതിരെ വിധിയെഴുതുക എന്ന മുദ്രാവാക്യവുമായാണ് ആശമാര് ഇന്ന് നിലമ്പൂരില് പ്രചരണത്തിറങ്ങുന്നത്. കേരള ആശ ഹെല്ത്ത് വര്ക്കേഴ്സ് അസോസിയേഷന്റെ നേതൃത്വത്തില് രാവിലെ നിലമ്പൂരില് ആശമാര് പ്രതിഷേധ പ്രകടനം നടത്തും. തുടര്ന്ന് ആശാ സമരത്തെ അപമാനിച്ചവര്ക്ക് വോട്ടില്ല എന്ന മുദ്രാവാക്യമുയര്ത്തി എസ് മിനിയുടെ നേതൃത്വത്തില് ആശമാര് വീട് കയറി വോട്ടര്മാരെ നേരില് കണ്ട് പ്രചാരണം നടത്തും.
വോട്ടെടുപ്പിന് ഏഴു നാള് മാത്രം ബാക്കിനില്ക്കെ നിലമ്പൂരില് രാഷ്ട്രീയ അങ്കം മുറുകുകയാണ്. രാവിലെ യുഡിഎഫ് സ്ഥാനാര്ത്ഥി ആര്യാടന് ഷൗക്കത്തിന്റെ തിരഞ്ഞെടുപ്പ് പ്രചരണ പരിപാടി കരുളായി പഞ്ചായത്തിലെ തെക്കേമുണ്ടയില് കോണ്ഗ്രസ് പ്രവര്ത്തക സമിതിയംഗം കൊടിക്കുന്നില് സുരേഷ് എം പി ഉദ്ഘാടനം ചെയ്യും. മരുത പഞ്ചായത്തിലെ പാപ്പച്ചന്പടിയില് ഇന്നത്തെ സ്വീകരണ പരിപാടിയുടെ സമാപന സമ്മേളനം ഇ ടി മുഹമ്മദ് ബഷീര് എം പി ഉദ്ഘാടനം ചെയ്യും. എഐസിസി ജനറല് സെക്രട്ടറി കെ സി വേണുഗോപാല് എംപി ഇന്ന് മണ്ഡലത്തിലെത്തും.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10