ഡൽഹിയിൽ പ്രതിപക്ഷ നേതാവ് രാഹുൽ ഗാന്ധി ഉൾപ്പെടെയുള്ള മുതിർന്ന നേതാക്കളെ മോശമായ രീതിയിൽ അറസ്റ്റ് ചെയ്തതിലും വിദ്യാർത്ഥികൾക്ക് നേരെ പോലീസ് നടത്തിയ ക്രൂരമായ അതിക്രമങ്ങളിലും ശക്തമായ പ്രതിഷേധം രേഖപ്പെടുത്തി മുഖ്യമന്ത്രി വി.ഡി. സതീശൻ. കേന്ദ്ര സർക്കാരിന്റെയും പോലീസിന്റെയും ഭാഗത്തുനിന്നും കടുത്ത നരനായാട്ടാണ് ഉണ്ടായതെന്നും അദ്ദേഹം കുറ്റപ്പെടുത്തി.
തന്നെ കാണാൻ ആഗ്രഹിക്കുന്ന ആർക്കും എപ്പോഴും വന്ന് കാണാനുള്ള അവസരം നൽകാറുണ്ടെന്നും ആരുടെയും അനുമതി നിഷേധിച്ചിട്ടില്ലെന്നും അദ്ദേഹം വ്യക്തമാക്കി. കെ.എസ്.യു നേതാക്കൾ തന്നെ നേരിട്ട് സന്ദർശിച്ച് നിലവിലെ വിഷയങ്ങൾ വിശദീകരിച്ചിട്ടുണ്ട്. സർക്കാരുമായി ബന്ധപ്പെട്ട കാര്യങ്ങളിൽ പാർട്ടിയുടെയും തന്റെയും നിലപാട് അവരെ ധരിപ്പിച്ചിട്ടുണ്ടെന്നും അദ്ദേഹം പറഞ്ഞു. അതേസമയം, കോളേജിൽ വെച്ച് കെ.എസ്.യു സംസ്ഥാന പ്രസിഡന്റിനെ താൻ കണ്ടിരുന്നില്ലെന്നും അദ്ദേഹം വാർത്താ സമ്മേളനത്തിൽ കൂട്ടിച്ചേർത്തു.
