തൃശൂർ : ഗുരുവായൂർ ശ്രീകൃഷ്ണ ക്ഷേത്രത്തിൽ ദർശനം നടത്തി പ്രതിപക്ഷ നേതാവ് വി.ഡി. സതീശൻ. കഴിഞ്ഞ ദിവസം വൈകുന്നേരം ദീപാരാധന സമയത്തായിരുന്നു അദ്ദേഹത്തിന്റെ ക്ഷേത്രദർശനം.
ദേവസ്വം ചെയർമാൻ എ.വി. ഗോപിനാഥ്, ഭരണസമിതി അംഗം സി. മനോജ് എന്നിവരുടെ നേതൃത്വത്തിൽ ദേവസ്വം ജീവനക്കാർ വി.ഡി. സതീശനെ സ്വീകരിച്ചു.
ക്ഷേത്രത്തിൽ വി.ഡി. സതീശന്റെ പേരിൽ നേന്ത്രപ്പഴം കൊണ്ട് തുലാഭാര വഴിപാടും നടത്തി. ഇതിനായി 69 കിലോ നേന്ത്രപ്പഴമാണ് ഉപയോഗിച്ചത്. വഴിപാടിന്റെ തുകയായ 3,550 രൂപ ക്ഷേത്രത്തിൽ അടച്ചു.
ദർശനം പൂർത്തിയാക്കി മടങ്ങിയ വി.ഡി. സതീശന് ഗുരുവായൂരപ്പന്റെ പ്രസാദങ്ങളും ദേവസ്വം അധികൃതർ കൈമാറി. തിരുമുടിമാല, കളഭം, പഴം, പഞ്ചസാര എന്നിവ അടങ്ങുന്നതായിരുന്നു പ്രസാദം.
ഗുരുവായൂരപ്പന്റെ സന്നിധിയിൽ മുഖ്യമന്ത്രിക്ക് നേന്ത്രപ്പഴം കൊണ്ട് തുലാഭാരം
Jaihind TV News Report
Jaihind TV Web Desk
Updated Oct 13, 2026
1 min read
272 reads
