നിയമസഭയിലെ 11 വനിതകൾക്ക് സല്യൂട്ട്; 11 ദിവസത്തേക്ക് പ്രത്യേക വിലക്കുറവുമായി സപ്ലൈകോ; 11 ഉൽപ്പന്നങ്ങൾക്ക് 11% വിലക്കുറവ്
സംസ്ഥാന നിയമസഭയിലേക്ക് തിരഞ്ഞെടുക്കപ്പെട്ട 11 വനിതാ ജനപ്രതിനിധികളുടെ ഉജ്ജ്വല വിജയത്തിൽ ആഹ്ലാദം പ്രകടിപ്പിച്ചും അവർക്ക് ആദരമർപ്പിച്ചുമാണ് സപ്ലൈകോ ഈ വേറിട്ട പദ്ധതി നടപ്പിലാക്കുന്നത്. വനിതാ നേതൃത്വത്തെ ആഘോഷിക്കുന്നതിനൊപ്പം, സമൂഹത്തിലും കുടുംബത്തിലും സ്ത്രീകൾ വഹിക്കുന്ന നിർണ്ണായകമായ പങ്കിനെ ഉയർത്തിക്കാട്ടുക എന്നതും ഈ തീരുമാനത്തിന് പിന്നിലുണ്ട്.
സപ്ലൈകോയുടെ പ്രമുഖ ബ്രാൻഡായ 'ശബരി'യുടെ തിരഞ്ഞെടുക്കപ്പെട്ട 11 ഉൽപ്പന്നങ്ങളാണ് ഈ ആനുകൂല്യത്തിൽ ഉൾപ്പെടുത്തിയിരിക്കുന്നത്. ശബരി വെളിച്ചെണ്ണ, അപ്പം പൊടി, പുട്ടുപൊടി, ഉപ്പ്, മഞ്ഞൾപൊടി, മുളകുപൊടി, മല്ലിപൊടി, കടുക്, ജീരകം, ശബരി ഗോൾഡ് ചായപ്പൊടി, ഹോട്ടൽ ബ്ലെൻഡ് ചായപ്പൊടി എന്നിവ 11 ശതമാനം വിലക്കുറവിൽ ഉപഭോക്താക്കൾക്ക് ലഭ്യമാകും.
മെയ് 11 മുതൽ ആരംഭിച്ച ഈ പ്രത്യേക വില്പന 11 ദിവസത്തേക്കാണ് നീണ്ടുനിൽക്കുക. വനിതാ ഉപഭോക്താക്കൾക്ക് മാത്രമായി ലഭിക്കുന്ന ഈ ആനുകൂല്യം മെയ് 21 വരെ എല്ലാ സപ്ലൈകോ ഔട്ട്ലെറ്റുകളിലും ലഭ്യമായിരിക്കും.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.