പ്രതിപക്ഷ നേതാവ് വി.ഡി സതീശന് നവംബര് 11 ന് ഷാര്ജയില് എത്തും; ഞായറാഴ്ച പുസ്തക മേള സന്ദര്ശിക്കും
ELVIS CHUMMAR
EDITORIAL HEAD - JAIHIND TV ( MIDDLE EAST )
November 09, 2022
1 min read
•
Updated: June 03, 2026
ഷാര്ജ: കേരളത്തിന്റെ പ്രതിപക്ഷ നേതാവ് വി.ഡി സതീശന് നവംബര് 11 ന് വെള്ളിയാഴ്ച പുലര്ച്ചെ യുഎഇയിലെത്തും. ഷാര്ജ വിമാനത്താവളത്തില് വെള്ളി പുലര്ച്ചെ ഒന്നിന് എത്തുന്ന അദേഹത്തിന് ഇന്കാസിന്റെ നേതൃത്വത്തില് സ്വീകരണം നല്കും.
നവംബര് 13 ന് ഞായറാഴ്ച ഉച്ചയ്ക്ക് 12 ന് ദുബായ് ഇന്കാസ് കമ്മിറ്റി സംഘടിപ്പിക്കുന്ന ഓണാഘോഷത്തില് മുഖ്യാതിഥിയായി സംബന്ധിക്കും. ഒരുമയുടെ ഓണം എന്ന പേരില് ദുബായ് ദെയ്റ അല് ബറാഹ വിമന്സ് അസോസിയേഷന് ഹാളിലാണ് പരിപാടി. പ്രതിപക്ഷ നേതാവ് വി.ഡി സതീശന് ആഘോഷം ഉദ്ഘാടനം ചെയ്യും. ദുബായ് ഇന്കാസ് പ്രസിഡന്റ് നദീര് കാപ്പാട് അധ്യക്ഷത വഹിക്കും.
ഉച്ചയ്ക്ക് രണ്ടരയ്ക്ക് ഷാര്ജ രാജ്യാന്തര പുസ്തക മേളയില് അദേഹം സന്ദര്ശനം നടത്തും. കെപിസിസി പ്രസിദ്ധീകരണമായ പ്രിയദര്ശിനി പബ്ളിക്കേഷന്സ് ഉള്പ്പടെയുള്ള വിവിധ സ്റ്റാളുകള് പ്രതിപക്ഷ നേതാവ് സന്ദര്ശിക്കും.
ഉച്ചകഴിഞ്ഞ് മൂന്നിന് വി സുനില്കുമാര് എഴുതിയ 'ഖദര്-സംരംഭകത്വവും ഗാന്ധിയും' എന്ന പുസ്തകം വി.ഡി സതീശന് പ്രകാശനം ചെയ്യും. പുസ്തക മേളയിലെ റൈറ്റേഴ്സ് ഫോറം ഹാളിലാണ് പുസ്തക പ്രകാശനം.
വൈകിട്ട് ആറിന് ഷാര്ജ ഇന്ത്യന് അസോസിയേഷന് ഹാളില് ഒരുക്കുന്ന സ്വീകരണത്തിലും പ്രതിപക്ഷ നേതാവ് വി.ഡി സതീശന് സംബന്ധിക്കും. രാത്രിയോടെ പ്രതിപക്ഷ നേതാവ് കേരളത്തിലേക്ക് മടങ്ങും.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10