K SUDHAKARAN| എന്എച്ച് 66 ന്റെ തകര്ച്ച: കുറ്റക്കാര്ക്കെതിരെ കര്ശന നടപടിയെടുക്കണമെന്ന് കെ സുധാകരന്. എം.പി
Jaihind TV News Report
Jaihind TV Web Desk
May 29, 2025
1 min read
•
Updated: June 06, 2026
തളിപ്പറമ്പ് കുപ്പത്തെ ദേശീയപാത തകര്ന്നതിനെ കുറിച്ച് വിശദമായ അന്വേഷണം നടത്തി കുറ്റക്കാര്ക്കെതിരെ കര്ശന നടപടിയെടുക്കണമെന്നാവശ്യപ്പെട്ട് കെ സുധാകരന് എം പി കേന്ദ്ര ഉപരിതല ഗതാഗത വകുപ്പ് മന്ത്രി നിധിന് ഗഡ്ക്കരിക്ക് കത്ത് നല്കി.
ജില്ലയില് ദേശീയപാത നിര്മ്മാണം നടക്കുന്ന പലസ്ഥലങ്ങളിലും ദേശീയപാത തകര്ന്ന് ജനങ്ങള്ക്ക് ഭീഷണിയായി. യാതൊരുവിധ പാരിസ്ഥിതിക പഠനമോ, പ്രദ്ദേശവാസികളുടെ അഭിപ്രായമോ മാനിക്കാതെയാണ് എന്എച്ച് 66ന്റെ നിര്മ്മാണം നടത്തിയത്. ദേശീയപാത നിര്മ്മാണവുമായി ബന്ധപ്പെട്ട് ജനപ്രതിനിധിയുടെ അഭിപ്രായം മുഖവിലക്കെടുക്കാത്തതിന്റെ ദുരന്തഫലമാണ് ഇപ്പോള് കാണുന്നത്. തളിപ്പറമ്പ് കുപ്പത്തെ സ്ഥിതി അതീവ ദയനീയമാണ്. ഉയരമുള്ള സ്ഥലത്തുനിന്ന് മണ്ണെടുത്ത ശേഷമാണ് സംരക്ഷണ ഭിത്തി നിര്മ്മിച്ചിരിക്കുന്നത്. ഒരു തരത്തിലുമുള്ള സുരക്ഷിതത്വമോ, മുന്കരുതലോ എന്എച്ച് അധികൃതര് കൈകൊള്ളാതെയാണ് ദേശീയപാത നിര്മ്മാണം നടത്തിയിരിക്കുന്നത്. കുപ്പത്തെ ദേശീയപാത തകര്ന്ന് മണ്ണും ചെളിയും കല്ലും കുത്തിയൊഴുകിയതിന്റെ ഫലമായി നിരവധി വീടുകളാണ് തകര്ന്നത്. ചില വീടുകള് പൂര്ണ്ണമായും നശിച്ചു. പല വീടുകളിലും ഇപ്പോഴും വെള്ളം കയറിയ അവസ്ഥയാണ്. ആയതിനാല് തകര്ന്ന വീടുകള്ക്ക് അടിയന്തര ധനസഹായം ലഭ്യമാക്കണമെന്നും സുധാകരന് ആവശ്യപ്പെട്ടു.
മഴ കനക്കുന്നതോടെ മണ്ണിടിച്ചിലുണ്ടാവാന് സാധ്യതയുള്ളതിനാല് പ്രദേശവാസികളെ മാറ്റിപ്പാര്പ്പിക്കുന്നതടക്കമുള്ള മുന്കരുതല് നടപടികള് അടിയന്തരമായി കൈക്കൊള്ളണമെന്നും കെ സുധാകരന് എം പി നിധിന് ഗഡ്ക്കരിക്ക് നല്കിയ കത്തില് ആവശ്യപ്പെട്ടു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10