കൊച്ചി: യുവ ഡോക്ടറെ ചികിത്സയ്ക്കെന്ന വ്യാജേന അപ്പാര്ട്ട്മെന്റിലേക്ക് വിളിച്ചുവരുത്തി ക്രൂരമായി മര്‍ദിക്കുകയും പണം തട്ടാന്‍ ശ്രമിക്കുകയും ചെയ്ത കേസില്‍ നടി അതുല്യ ചന്ദ്ര ഉള്‍പ്പെടെ മൂന്നുപേരെ കടവന്ത്ര പോലീസ് അറസ്റ്റ് ചെയ്തു. 12 പേര്‍ പ്രതികളായ കേസില്‍ ഒന്‍പതുപേര്‍ കൂടി ഇനി പിടിയിലാകാനുണ്ട്.
തിങ്കളാഴ്ചയാണ് കേസിനാസ്പദമായ സംഭവം നടക്കുന്നത്. പ്രതികളില്‍ ഒരാളുടെ അമ്മയുടെ സഹോദരിക്ക് അസുഖമാണെന്ന് തെറ്റിദ്ധരിപ്പിച്ചാണ് ഡോക്ടറെ അപ്പാര്ട്ട്മെന്റിലേക്ക് വിളിച്ചുവരുത്തിയത്. തുടര്‍ന്ന് അവിടെവെച്ച് സംഘം ചേര്‍ന്ന് ഡോക്ടറെ ക്രൂരമായി മര്‍ദിക്കുകയും പണവും ഫോണും കവരാന്‍ ശ്രമിക്കുകയുമായിരുന്നു. മര്‍ദനത്തിനിരയായ ഡോക്ടര്‍ നല്‍കിയ പരാതിയിലാണ് കടവന്ത്ര പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചത്.
'ഡീയസ് ഈറേ' എന്ന ചിത്രത്തിലൂടെ ശ്രദ്ധേയയായ അതുല്യ ചന്ദ്ര, 'ഗാനഗന്ധര്‍വ്വന്‍', 'ഉയിര്‍' തുടങ്ങിയ ചിത്രങ്ങളിലും വേഷമിട്ടിട്ടുണ്ട്. സംഭവത്തില്‍ ഉള്‍പ്പെട്ട ബാക്കി 9 പ്രതികള്‍ക്കായി പോലീസ് അന്വേഷണം ഊര്‍ജിതമാക്കിയിട്ടുണ്ട്.
ചികിത്സയ്ക്കെന്ന വ്യാജേന വിളിച്ചുവരുത്തി ഡോക്ടറെ മർദിച്ചു, പണം തട്ടാനും ശ്രമം; നടി അതുല്യ ചന്ദ്ര അറസ്റ്റിൽ
Jaihind TV News Report
Jaihind TV Web Desk
2 min read
122 reads
