മോദിക്ക് പേടി, രാഹുൽ ഗാന്ധിയുമായി സംവാദത്തിന് തയാറാകാത്തത് ഭയം കാരണം; കെ.സി.വേണുഗോപാൽ എംപി

ന്യൂഡല്‍ഹി: പ്രധാനമന്ത്രി നരേന്ദ്ര മോദിക്ക് രാഹുല്‍ ഗാന്ധിയുമായി സംവാദത്തിന് ഭയമെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ എം.പി. പ്രതിപക്ഷ നേതാവ് രാഹുൽ ഗാന്ധിക്കും കോൺഗ്രസ് പാർട്ടിക്കുമെതിരെ ബിജെപി അടിസ്ഥാനരഹിതമായ ആരോപണങ്ങളാണ് ഉന്നയിക്കുന്നതെന്ന് കെ.സി. വേണുഗോപാൽ കുറ്റപ്പെടുത്തി. രാഷ്ട്രീയ എതിരാളികളെ നേരിടാൻ വസ്തുതാപരമായ കാര്യങ്ങൾക്ക് പകരം വ്യാജ ആരോപണങ്ങളെയാണ് ബിജെപി ആശ്രയിക്കുന്നതെന്നും അദ്ദേഹം വ്യക്തമാക്കി.

രാഹുൽ ഗാന്ധി ഉന്നയിക്കുന്ന ഗൗരവകരമായ ചോദ്യങ്ങൾക്ക് മറുപടി നൽകാൻ പ്രധാനമന്ത്രി നരേന്ദ്ര മോദി തയ്യാറാകാത്തത് എന്തുകൊണ്ടാണെന്ന് കെ.സി. വേണുഗോപാൽ ചോദിച്ചു. വിഷയങ്ങളിൽ വ്യക്തത വരുത്തുന്നതിന് പകരം പ്രധാനമന്ത്രി സംവാദങ്ങളിൽ നിന്ന് ഒഴിഞ്ഞുമാറുകയാണെന്നും, പ്രതിപക്ഷ നേതാവിന്റെ ചോദ്യങ്ങളെ നേരിടാൻ മോദി തയ്യാറാകുന്നില്ലെന്നും അദ്ദേഹം രൂക്ഷമായി വിമർശിച്ചു.