പാലക്കാട്: ഷൊര്‍ണൂരില്‍ കൊച്ചിന്‍ പാലത്തിന് സമീപം ഗുഡ്സ് ട്രെയിന്‍ പാളം തെറ്റി. ട്രെയിനിന്റെ പിന്‍ഭാഗത്തെ ബോഗികളാണ് പാളത്തില്‍ നിന്നും തെന്നിമാറിയത്. പ്രധാന റെയില്‍വേ പാതയിലുണ്ടായ അപകടമായതിനാല്‍ ഇതുവഴിയുള്ള മറ്റ് ട്രെയിനുകള്‍ വൈകിയാണ് ഓടുന്നത്.
അപകടത്തെ തുടര്‍ന്ന് തൃശ്ശൂര്‍ ഭാഗത്തുനിന്നും വരുന്ന ട്രെയിനുകള്‍ വള്ളത്തോള്‍ നഗര്‍ സ്റ്റേഷനില്‍ പിടിച്ചിട്ടിരിക്കുകയാണ്. എന്നാല്‍ നിലവില്‍ ആശങ്കാജനകമായ സാഹചര്യമില്ലെന്നും, ട്രെയിന്‍ ഗതാഗതത്തെ ഇത് ഗുരുതരമായി ബാധിക്കില്ലെന്നുമാണ് റെയില്‍വേ അധികൃതരില്‍ നിന്നും ലഭിക്കുന്ന പ്രാഥമിക വിവരം. പാളം തെറ്റിയ ബോഗികള്‍ മാറ്റുന്നതിനുള്ള നടപടികള്‍ ആരംഭിച്ചിട്ടുണ്ട്.
ഷൊർണൂരിൽ ഗുഡ്സ് ട്രെയിൻ പാളം തെറ്റി; തൃശ്ശൂർ ഭാഗത്തുനിന്നുള്ള ട്രെയിനുകൾ വള്ളത്തോൾ നഗറിൽ പിടിച്ചിട്ടു
Jaihind TV News Report
Jaihind TV Web Desk
1 min read
80 reads
