'നേതാക്കള് വയോജന പാഠശാലയില് പോയി പഠിക്കട്ടെ'; സിപിഎമ്മിനെതിരെ വീണ്ടും ജി. സുധാകരൻ
സിപിഎം നേതൃത്വത്തിന് കടുത്ത വെല്ലുവിളിയുമായി ജി. സുധാകരൻ വീണ്ടും രംഗത്ത്. പൊതുവേദിയിൽ പാർട്ടിയെ അധിക്ഷേപിച്ചാൽ കടുത്ത രീതിയിൽ പ്രതികരിക്കുമെന്ന സിപിഎം ആലപ്പുഴ ജില്ലാ കമ്മിറ്റിയുടെ മുന്നറിയിപ്പ് നിലനിൽക്കെയാണ്, റസിഡൻസ് അസോസിയേഷൻ യോഗത്തിൽ സുധാകരൻ വീണ്ടും ആഞ്ഞടിച്ചത്. നിലവിലെ സിപിഎം നേതാക്കൾ വയോജന പാഠശാലയിൽ പോയി വിദ്യാഭ്യാസം നേടണമെന്നും, ജനങ്ങളോട് എങ്ങനെയാണ് പെരുമാറേണ്ടതെന്ന് അവർ അവിടെനിന്ന് പഠിക്കണമെന്നും സുധാകരൻ പരിഹസിച്ചു.
തന്റെ ഓഫീസിലേക്ക് സിപിഎം പ്രതിഷേധ പ്രകടനം നടത്തിയതിനെതിരെയും അദ്ദേഹം ശക്തമായ ചോദ്യങ്ങൾ ഉന്നയിച്ചു. എന്തിന്റെ പേരിലാണ് തന്റെ ഓഫീസിലേക്ക് പാർട്ടി മാർച്ച് നടത്തിയതെന്ന് വ്യക്തമാക്കണമെന്നു പറഞ്ഞ സുധാകരൻ, വിഷയത്തിൽ പോലീസിന്റെ നിലപാടിനെയും കടുത്ത ഭാഷയിൽ വിമർശിച്ചു. കേരളത്തിൽ ഭരണം മാറിയ കാര്യം ഇപ്പോഴും അമ്പലപ്പുഴയിലെ പോലീസുകാർ അറിഞ്ഞിട്ടില്ലെന്നായിരുന്നു സുധാകരന്റെ പരിഹാസം. പാർട്ടിയുടെ ഭീഷണികൾക്ക് വഴങ്ങില്ലെന്ന കൃത്യമായ സൂചനയാണ് അദ്ദേഹത്തിന്റെ പുതിയ പ്രതികരണങ്ങൾ നൽകുന്നത്.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.