തദ്ദേശ തിരഞ്ഞെടുപ്പിന്റെ ആവേശം കെട്ടടങ്ങാതെ കോൺഗ്രസും യു.ഡി.എഫും വിജയത്തിന്റെ സന്തോഷം തുടരുകയാണ്. പ്രചാരണ നാളുകളിൽ വലിയ തരംഗം സൃഷ്ടിച്ച 'സ്വർണം കട്ടവനാരപ്പാ' എന്ന വൈറൽ ഗാനമാണ് തിരഞ്ഞെടുപ്പ് ഫലം വന്ന ശേഷവും എങ്ങും അലയടിക്കുന്നത്. ഈ ഗാനം ഇടതുപക്ഷ സർക്കാരിനെതിരായ സ്വർണ്ണക്കടത്ത് ആരോപണങ്ങളെ ആക്ഷേപഹാസ്യ രൂപത്തിൽ അവതരിപ്പിച്ച ഒന്നായിരുന്നു. തദ്ദേശ തിരഞ്ഞെടുപ്പിലെ ജനവിധി ഇടത് സർക്കാരിന്റെ സ്വർണ്ണക്കൊള്ളയ്‌ക്കെതിരെയുള്ള വിധിയെഴുത്ത് കൂടിയായിരുന്നു എന്നാണ് കോൺഗ്രസ് - യു.ഡി.എഫ്. നേതൃത്വം വിലയിരുത്തുന്നത്.
'സ്വർണം കട്ടവനാരപ്പാ' എന്ന ഗാനം ഇപ്പോൾ കേരളത്തിന് പുറത്തും തരംഗം സൃഷ്ടിച്ചിരിക്കുകയാണ്. യു.കെ.യിൽ നിന്നുള്ള ഒരു കൂട്ടം യുവജനങ്ങൾ ഈ വൈറൽ ഗാനത്തിനൊപ്പം തിരഞ്ഞെടുപ്പ് വിജയം ആഘോഷിക്കുന്ന വീഡിയോയാണ് നിലവിൽ സോഷ്യൽ മീഡിയയിൽ പ്രചരിക്കുന്നത്. ഈ വീഡിയോ വൻതോതിൽ വൈറലാവുകയും പാട്ടിന്റെ ജനകീയ സ്വാധീനം അന്താരാഷ്ട്ര തലത്തിലേക്ക് എത്തുകയും ചെയ്തു.
