Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

ഫെഡറൽ റിസർവിനെതിരെ തുറന്നടിച്ച് ട്രംപ്; പലിശ നിരക്കിൽ ഇന്ത്യയെ മാതൃകയാക്കി വിമർശനം

ഫെഡറൽ റിസർവിനെതിരെ തുറന്നടിച്ച് ട്രംപ്; പലിശ നിരക്കിൽ ഇന്ത്യയെ മാതൃകയാക്കി വിമർശനം

വാഷിങ്ടൺ: യുഎസ് സെൻട്രൽ ബാങ്കായ ഫെഡറൽ റിസർവ് പലിശ നിരക്ക് കുറയ്ക്കാത്തതിനെതിരെ രൂക്ഷവിമർശനവുമായി യുഎസ് പ്രസിഡന്റ് ഡൊണാൾഡ് ട്രംപ് രംഗത്ത്. മികച്ച സാമ്പത്തിക വളർച്ച രേഖപ്പെടുത്തിയിട്ടും പലിശ നിരക്ക് ഉയർത്തുന്നത് രാജ്യത്തെ തകർക്കാനാണെന്ന് ആരോപിച്ച ട്രംപ്, കുറഞ്ഞ പലിശ നിരക്കിന്റെ കാര്യത്തിൽ ഇന്ത്യയെ ഉദാഹരണമായി ചൂണ്ടിക്കാണിച്ചു. വൈറ്റ് ഹൗസിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.

ഫെഡറൽ റിസർവ് ഒരു രാഷ്ട്രീയ സ്ഥാപനമായി മാറിയിരിക്കുകയാണെന്നും രാഷ്ട്രീയ താൽപര്യങ്ങളാണ് ഉയർന്ന പലിശ നിരക്കിന് പിന്നിലെന്നും ട്രംപ് കുറ്റപ്പെടുത്തി. സാമ്പത്തിക വളർച്ചയുടെ മികച്ച കണക്കുകൾ വരുമ്പോഴെല്ലാം പലിശ നിരക്ക് വർധിപ്പിക്കുന്ന വിപരീത സമീപനമാണ് സെൻട്രൽ ബാങ്ക് സ്വീകരിക്കുന്നത്. പലിശ നിരക്ക് കുറച്ചാൽ അമേരിക്കയ്ക്ക് 15 മുതൽ 20 ശതമാനം വരെ ജിഡിപി വളർച്ച നേടാനും കടങ്ങൾ വേഗത്തിൽ വീട്ടാനും കഴിയുമെന്ന് അദ്ദേഹം പറഞ്ഞു.

ഇന്ത്യയിൽ പലിശ നിരക്ക് കുറവാണെന്നും അവർക്ക് മികച്ച ജിഡിപി വളർച്ചയുണ്ടെന്നും ചൂണ്ടിക്കാണിച്ച ട്രംപ്, ലോകത്തിലെ ഏറ്റവും കുറഞ്ഞ പലിശ നിരക്ക് ഉണ്ടാകേണ്ടത് അമേരിക്കയ്ക്കാണെന്ന് അവകാശപ്പെട്ടു. മറ്റ് രാജ്യങ്ങളെ വിജയിപ്പിക്കുന്ന നിലപാടാണ് അമേരിക്ക സ്വീകരിക്കുന്നത്; അതുകൊണ്ടുതന്നെ കുറഞ്ഞ പലിശ നിരക്കിന് അർഹത അമേരിക്കയ്ക്കാണെന്നും അദ്ദേഹം കൂട്ടിച്ചേർത്തു.

പണപ്പെരുപ്പം നിയന്ത്രിക്കേണ്ടതുണ്ടെന്ന് വ്യക്തമാക്കിയാണ് ഫെഡറൽ റിസർവ് ചെയർമാൻ കെവിൻ വാർഷ് പലിശ നിരക്ക് കുറയ്ക്കണമെന്ന ട്രംപിന്റെ ആവശ്യം തള്ളിയത്. സെപ്റ്റംബറിൽ ഫെഡറൽ റിസർവ് പലിശ നിരക്ക് വർധിപ്പിക്കുകയും ചെയ്തിരുന്നു. ജൂലൈ-സെപ്റ്റംബർ പാദത്തിൽ യുഎസ് 3.4 ശതമാനം ജിഡിപി വളർച്ച രേഖപ്പെടുത്തുമെന്നാണ് വിലയിരുത്തൽ.

അതേസമയം, സെപ്റ്റംബറിൽ റിസർവ് ബാങ്ക് ഓഫ് ഇന്ത്യ (ആർ.ബി.ഐ) വായ്പാ നിരക്ക് 25 ബേസിസ് പോയിന്റ് ഉയർത്തി 5.5 ശതമാനമാക്കിയിരുന്നു. ഇത് ലോകത്തിലെ കുറഞ്ഞ വായ്പാ നിരക്കുകളിൽ ഒന്നാണ്. ഏപ്രിൽ-ജൂൺ പാദത്തിൽ 7.8 ശതമാനം വളർച്ച നേടിയ ഇന്ത്യ, ലോകത്തിലെ ഏറ്റവും വേഗത്തിൽ വളരുന്ന പ്രധാന സമ്പദ്‌വ്യവസ്ഥകളിൽ ഒന്നാണെന്നാണ് ഔദ്യോഗിക കണക്കുകൾ വ്യക്തമാക്കുന്നത്.





Related articles

See all
Popular News

ബംഗ്ലാദേശിൽ വീണ്ടും രാഷ്ട്രീയ സംഘർഷം: ബിഎൻപി നേതാക്കളുടെ കൊലപാതകത്തിന് പിന്നാലെ നരൈലിൽ വ്യ...

Popular News

അമേരിക്കൻ അന്വേഷണ ഏജൻസിയെ വിറപ്പിച്ച് ഹാക്കർമാർ; എഫ്.ബി.ഐയുടെ നിർണായക ഡേറ്റാബേസ് ചോർത്തി

Popular News

ട്രംപിനെയും ഉന്നത നേതാക്കളെയും വധിക്കാൻ ഗൂഢാലോചന; പാകിസ്താൻ പൗരന് 27.5 വർഷം തടവുശിക്ഷ

Popular News

'ഞങ്ങൾ നിങ്ങളെ കണ്ടെത്തും'; യു.എസ്. നാവിക ഉദ്യോഗസ്ഥരുടെ ചിത്രങ്ങൾ പങ്കുവെച്ച് ഇറാന്റെ വധഭീ...

Save your stories

Sign in