തിരുവനന്തപുരം: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ വിജിലൻസിന് പുറമെ ക്രൈംബ്രാഞ്ചും കേസെടുത്തേക്കുമെന്ന് സൂചന. കേസിൽ കൂടുതൽ നിർണായക തെളിവുകൾ കണ്ടെത്തുന്നതിന്റെ ഭാഗമായാണ് ക്രൈംബ്രാഞ്ച് അന്വേഷണത്തിന് കളമൊരുങ്ങുന്നത്. ഇതിന്റെ ഭാഗമായി മലേഷ്യൻ കമ്പനിയുടെ പ്രൊജക്ട് മാനേജരായിരുന്ന ലീയുടെ ആത്മഹത്യയിലും പുതിയ അന്വേഷണം ആരംഭിക്കും. ഇതിനായി മലേഷ്യയിൽ നേരിട്ടെത്തി ലീയുടെ ബന്ധുക്കളെ കണ്ട് വിവരങ്ങൾ ശേഖരിക്കാനും അന്വേഷണ സംഘം ആലോചിക്കുന്നുണ്ട്.
അതേസമയം, ഗ്യാനേഷ് കുമാറിനെതിരായ മുൻ വിജിലൻസ് അന്വേഷണങ്ങളുടെ വിവരങ്ങളും ഫയലുകളും പരിശോധിച്ച് തയ്യാറാക്കിയ സമഗ്ര റിപ്പോർട്ട് എസ്.പിമാർ ഇന്ന് വിജിലൻസ് ഡയറക്ടർക്ക് സമർപ്പിക്കും. ഈ റിപ്പോർട്ട് കേസിൽ നിർണായക വഴിത്തിരിവാകുമെന്നാണ് കരുതുന്നത്.
മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ ക്രൈംബ്രാഞ്ച് അന്വേഷണത്തിന് നീക്കം; മലേഷ്യൻ കമ്പനി മാനേജറുടെ ആത്മഹത്യയും പരിശോധിക്കും
Jaihind TV News Report
Jaihind TV Web Desk
1 min read
26 reads
