കൊൽക്കത്തയിൽ നിന്ന് മുംബൈയിലേക്ക് പുറപ്പെടാനിരുന്ന എയർ ഇന്ത്യ വിമാനത്തിന് ഹൈജാക്ക് ഭീഷണി. വിമാനം ടേക്ക് ഓഫ് ചെയ്യുന്നതിന് തൊട്ടുമുമ്പ് ശുചിമുറിയിലെ കണ്ണാടിയിലാണ് ഭീഷണി സന്ദേശം എഴുതിയ നിലയിൽ കണ്ടെത്തിയത്. സംഭവം ശ്രദ്ധയിൽപ്പെട്ട ഉടൻ തന്നെ പൈലറ്റ് എയർ ട്രാഫിക് കൺട്രോളിൽ (ATC) വിവരമറിയിക്കുകയായിരുന്നു.
സുരക്ഷ കണക്കിലെടുത്ത് വിമാനം ഉടൻ തന്നെ ഐസൊലേഷൻ ബേയിലേക്ക് മാറ്റി. സി.ഐ.എസ്.എഫും (CISF) മറ്റ് സുരക്ഷാ ഉദ്യോഗസ്ഥരും ചേർന്ന് വിമാനത്തിൽ സമഗ്രമായ പരിശോധന നടത്തിവരികയാണ്.
സംഭവത്തിന് പിന്നിൽ ആരാണെന്ന് കണ്ടെത്താൻ അധികൃതർ അന്വേഷണം ആരംഭിച്ചു. വിമാനത്താവളത്തിലെയും പരിസരത്തെയും സി.സി.ടി.വി (CCTV) ദൃശ്യങ്ങൾ കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്.
ടേക്ക് ഓഫിന് തൊട്ടുമുമ്പ് ശുചിമുറിയിലെ കണ്ണാടിയിൽ സന്ദേശം; എയർ ഇന്ത്യ വിമാനത്തിന് ഹൈജാക്ക് ഭീഷണി
Jaihind TV News Report
Jaihind TV Web Desk
1 min read
31 reads
