ഉന്നാവ് പെണ്‍കുട്ടിക്ക് വാഹനാപകടം ഉണ്ടായ  കേസിൽ അന്വേഷണം പൂർത്തിയാക്കാൻ സിബിഐക്ക് സുപ്രീം കോടതി 2 ആഴ്ച കൂടി സമയം അനുവദിച്ചു. അപകടത്തെ തുടർന്ന് ചികിത്സയിലായതിനാൽ പെണ്കുട്ടിയും അഭിഭാഷകനും അന്വേഷണവുമായി സഹകരിക്കാൻ സാധിക്കാത്ത ആരോഗ്യ സ്ഥിതിയിലാണ്. അതിനാൽ അന്വേഷണം പൂർത്തിയാക്കാൻ 4 ആഴ്ച കൂടി സമയം വേണമെന്നായിരുന്നു  സിബിഐയുടെ ആവശ്യം. ഒരാഴ്ചയ്ക്കകം അന്വേഷണം പൂർത്തിയാക്കി കുറ്റപത്രം സമർപ്പിക്കാനായിരുന്നു കഴിഞ്ഞ ആഗസ്റ്റ് 1ന് സുപ്രീം കോടതി ഉത്തരവിട്ടത്. പെണ്‍കുട്ടിയുടെയും അഭിഭാഷകന്റെയും മൊഴി സിബിഐ 2 ദിവസത്തിനകം രേഖപ്പെടുത്തിയേക്കും. പെണ്‍കുട്ടിയുടെ അഭിഭാഷകന് 5 ലക്ഷം രൂപ നഷ്ടപരിഹാരം നൽകാനും സുപ്രീം കോടതി ഉത്തരവിട്ടു