ശബരിമല സ്വർണ്ണക്കൊള്ള കേസിൽ തിരുവിതാംകൂർ ദേവസ്വം ബോർഡ് മുൻ പ്രസിഡന്റ് പി.എസ്. പ്രശാന്ത് നൽകിയ ജാമ്യാപേക്ഷ കൊല്ലം വിജിലൻസ് കോടതി തള്ളി. അതേസമയം, കേസിൽ പ്രതിയായ മുൻ ബോർഡ് അംഗം അജികുമാറിന് ഗുരുതരമായ ആരോഗ്യപ്രശ്നങ്ങൾ പരിഗണിച്ച് കോടതി ജാമ്യം അനുവദിച്ചു.
2019-ൽ നടന്ന സ്വർണ്ണക്കൊള്ള മറച്ചുവെക്കുന്നതിനാണ് 2025-ൽ യാതൊരുവിധ അനുമതിയുമില്ലാതെ സ്വർണ്ണപ്പാളികൾ വീണ്ടും സ്വർണം പൂശാനായി കൊണ്ടുപോയതെന്ന പ്രോസിക്യൂഷൻ വാദം കോടതി പൂർണ്ണമായി അംഗീകരിച്ചു. കേസിൽ ഉണ്ണികൃഷ്ണൻ പോറ്റി ഉൾപ്പെടെയുള്ള പ്രധാന പ്രതികളുമായി പി.എസ്. പ്രശാന്ത് ഗൂഢാലോചന നടത്തിയെന്ന അന്വേഷണ സംഘത്തിന്റെ കണ്ടെത്തലും ജാമ്യം നിഷേധിക്കുന്നതിന് പ്രധാന കാരണമായി.
