'മുഖപത്രത്തിന് തെറ്റുപറ്റി, വരാന് പാടില്ലാത്ത വാര്ത്ത'; അദാനി വിഷയത്തില് ദേശാഭിമാനിയെ വീണ്ടും തള്ളി എം.വി. ഗോവിന്ദൻ
അദാനി – എംഎസ്സി ഓഹരിക്കൈമാറ്റ വിഷയത്തിൽ പാർട്ടി മുഖപത്രമായ 'ദേശാഭിമാനി'യെ വീണ്ടും തള്ളി സിപിഎം സംസ്ഥാന സെക്രട്ടറി എം.വി.ഗോവിന്ദൻ. ജൂൺ അഞ്ചിന് ഈ വിഷയവുമായി ബന്ധപ്പെട്ട് പത്രത്തിൽ വന്ന വാർത്ത തെറ്റായിരുന്നുവെന്നും അത്തരമൊരു വാർത്ത വരാൻ പാടില്ലായിരുന്നുവെന്നും അദ്ദേഹം തുറന്നുപറഞ്ഞു. കരാറിന്റെ സൂക്ഷ്മാംശങ്ങൾ പൂർണ്ണമായി മനസ്സിലാക്കാതെയാണ് പത്രം വാർത്ത നൽകിയതെന്നും, ഭാവിയിൽ ഉണ്ടാകാനിടയുള്ള പ്രത്യാഘാതങ്ങളെക്കുറിച്ച് മുഖപത്രം കൂടുതൽ ഗൗരവത്തോടെ ചിന്തിക്കേണ്ടിയിരുന്നുവെന്നും ഗോവിന്ദൻ കൂട്ടിച്ചേർത്തു.
അദാനി ഗ്രൂപ്പുമായി സിപിഎമ്മിന് യാതൊരുവിധ ഡീലുകളോ ചർച്ചകളോ ഇല്ലെന്ന് സംസ്ഥാന സെക്രട്ടറി വ്യക്തമാക്കി. വിഴിഞ്ഞം തുറമുഖത്തെ ഓഹരി കൈമാറ്റം സംബന്ധിച്ച കാര്യങ്ങൾ ഇടതുപക്ഷ സർക്കാരിനും സിപിഎമ്മിനും മുൻകൂട്ടി അറിയാമായിരുന്നുവെന്ന മുഖ്യമന്ത്രി വി.ഡി. സതീശന്റെ ആരോപണങ്ങൾക്ക് മറുപടി നൽകുകയായിരുന്നു അദ്ദേഹം. പ്രതിപക്ഷ നേതാവ് പിണറായി വിജയനും പത്രത്തെ തള്ളി രംഗത്ത് വന്നിരുന്നു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.