മാതമംഗലം: വിദ്യാലയത്തിലെ ഓണാഘോഷത്തിനിടെ ഡ്രസ്സ് കോഡിനെച്ചൊല്ലിയുണ്ടായ തര്‍ക്കത്തെ തുടര്‍ന്ന് വിദ്യാര്‍ത്ഥികള്‍ തമ്മില്‍ തെരുവില്‍ ഏറ്റുമുട്ടി. കണ്ണൂര്‍ മാതമംഗലം ജി.എച്ച്.എസ്.എസ് സ്‌കൂളിലെ പ്ലസ് വണ്‍, പ്ലസ് ടു വിദ്യാര്‍ത്ഥികളാണ് സ്‌കൂള്‍ പരിസരത്തും പൊതുസ്ഥലങ്ങളിലും പരസ്യമായി അക്രമം അഴിച്ചുവിട്ടത്. സ്‌കൂളിലെ ഓണാഘോഷത്തിനിടെയാണ് സംഘര്‍ഷം ഉണ്ടായത്. പ്ലസ് വണ്‍ - പ്ലസ് ടു വിദ്യാര്‍ത്ഥികള്‍ ഏറ്റുമുട്ടുകയായിരുന്നു. ഡ്രസ് കോഡുമായി ബന്ധപ്പെട്ടുണ്ടായ തര്‍ക്കം സ്‌കൂളിന് പുറത്തേക്ക് വ്യാപിക്കുകയായിരുന്നു
ബസ്റ്റാന്‍ഡിന് പുറമേ വിവിധ ഇടങ്ങളില്‍ വച്ചും വിദ്യാര്‍ത്ഥികള്‍ തമ്മില്‍ ഏറ്റുമുട്ടി. ചില രക്ഷിതാക്കള്‍ക്കും മര്‍ദ്ദനമേറ്റതായി പരാതിയുണ്ട്. സംഘര്‍ഷത്തിന്റെ ദൃശ്യങ്ങള്‍ വ്യാപകമായി പ്രചരിച്ചതോടെയാണ് സ്‌കൂള്‍ അധികൃതര്‍ സംഭവം അറിയുന്നത്. പൊലീസ് പ്രാഥമിക അന്വേഷണം ആരംഭിച്ചിട്ടുണ്ട്.
ഓണം ഡ്രസ്സ് കോഡിനെ ചൊല്ലി തര്‍ക്കം; കണ്ണൂര്‍ മാതമംഗലത്ത് വിദ്യാര്‍ത്ഥികള്‍ ഏറ്റുമുട്ടി
Jaihind TV News Report
Jaihind TV Web Desk
Updated Oct 06, 2026
1 min read
416 reads
