പി പി ദിവ്യയെ സിപിഎം സംരക്ഷിക്കുന്നു: എഡിഎമ്മിന്റെ ആത്മഹത്യയില് കണ്ണൂര് കളക്ടറുടെ മൊഴി രേഖപ്പെടുത്തണമെന്ന് കെ സുധാകരന്
Jaihind TV News Report
Jaihind TV Web Desk
October 31, 2024
1 min read
•
Updated: June 05, 2026
കണ്ണൂര്:പി പി ദിവ്യയെ സി പി എം സംരക്ഷിക്കുകയാണെന്ന് കെപിസിസി അധ്യക്ഷന് കെ സുധാകരന് എം പി. കണ്ണൂര് ജില്ലാ കളക്ടര് അരുണ് കെ വിജയന്റെ പങ്ക് എഡിഎം നവീന് ബാബുവിന്റെ മരണത്തില് അന്വേഷിക്കുമെന്നും കെ സുധാകരന് പറഞ്ഞു.
ദിവ്യയുടെ റിമാന്ഡ് റിപ്പോര്ട്ടിലെ കാര്യങ്ങളില് തിരുത്തല് വരുത്തുന്നതിനു വേണ്ടി പി ശശി ഇടപെടുമെന്നും സുധാകരന് കൂട്ടിച്ചേര്ത്തു.ദിവ്യയുടെ ദേഷ്യത്തിന് കാരണം പെട്രോള് പമ്പ് ബിനാമി ഇടപാടില് കമ്മീഷന് കിട്ടാത്തതാണെന്നും കെ സുധാകരന് പറഞ്ഞു.എഡിഎമ്മിന്റെ മരണത്തില് നീതീപൂര്വകമായ അന്വേഷണം നടക്കില്ലെന്നും ജുഡീഷ്യല് അന്വേഷണം വേണമെന്നും സുധാകരന് പറഞ്ഞു.സിപിഎം കളക്ടറെ സ്വാധിനിച്ചുവെന്നും സുധാകരന് മാധ്യമങ്ങളോട് പറഞ്ഞു.
ദിവ്യ ഒരുകൊലക്കേസിലെ പ്രതിയാണ് .എന്നിട്ട് ദിവ്യയെ സിപിഎം സസ്പെന്ഡ് ചെയ്തോ?. എതുതരത്തിലും ദിവ്യയെ അവര് സംരക്ഷിക്കും. അവര് ചെയ്യാന് തീരുമാനിച്ചത് അവര് ചെയ്യും അതാണ് സിപിഎം സ്റ്റൈല്.
നീതിപൂര്വകമായ അന്വേഷണം എംഡിഎമ്മിന്റെ മരണത്തില് നടക്കുമെന്നും അതിന്റെ ഫലമായി ദിവ്യ ശിക്ഷിക്കപ്പെടുമെന്നും കരുതുന്നില്ല. ഇക്കാര്യത്തില് ജുഡീഷ്യല് അന്വേഷണം വേണം. അവരുടെ കുടുംബം കോടതിയില് പോകുമെന്നാണ് മനസിലാക്കുന്നത്.ഒരുചുക്കും ചുണ്ണാമ്പും ഇവിടുത്തെ പൊലീസ് അന്വേഷിച്ചാല് ലഭിക്കില്ല എന്നും സുധാകരന് പറഞ്ഞു.
RELATED NEWS
View AllMOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10