ബൊഗോട്ട: പടിഞ്ഞാറൻ കൊളംബിയയിലുണ്ടായ വൻ ഭൂചലനത്തിൽ മരിച്ചവരുടെ എണ്ണം 111 ആയി ഉയർന്നു. ദുരന്തത്തിൽ 87 ഓളം പേർക്ക് ഗുരുതരമായി പരിക്കേറ്റിട്ടുണ്ട്. രക്ഷാപ്രവർത്തനം തുടരുന്ന സാഹചര്യത്തിൽ മരണസംഖ്യ ഇനിയും ഉയരാനാണ് സാധ്യതയെന്ന് ഔദ്യോഗിക വിവരങ്ങൾ വ്യക്തമാക്കുന്നു. ചോക്കോ പ്രവിശ്യയിലെ സാൻ ഹോസെ ദെൽ പാൽമാർ മേഖലയിലാണ് ഭൂചലനം ഉണ്ടായത്. . ഭൂനിരപ്പിൽ നിന്നും 103 കിലോമീറ്റർ ആഴത്തിൽ രൂപപ്പെട്ട ഭൂചലനത്തിന് റിക്ടർ സ്കെയിലിൽ 7.4 തീവ്രത രേഖപ്പെടുത്തി. ഇന്ത്യൻ സമയം തിങ്കളാഴ്ച വൈകുന്നേരം 6 മണിയോടെയാണ് ദുരന്തമുണ്ടായത്.
ശക്തമായ പ്രകമ്പനത്തിൽ നിരവധി കെട്ടിടങ്ങൾ പൂർണമായി നിലംപൊത്തി. തകർന്ന കെട്ടിടാവശിഷ്ടങ്ങൾക്കിടയിൽ നിരവധ ആളുകൾ കുടുങ്ങിക്കിടക്കുന്നതായാണ് സംശയം. ദുരന്തനിവാരണ സേനയുടെ നേതൃത്വത്തിൽ പ്രദേശത്ത് ഊർജിതമായ തെരച്ചിലും രക്ഷാപ്രവർത്തനവും പുരോഗമിക്കുകയാണ്. സർക്കാർ സ്ഥിതിഗതികൾ നേരിട്ട് വിലയിരുത്തി വരികയാണെന്ന് അധികൃതർ അറിയിച്ചു.
