ടി20 ക്രിക്കറ്റ് ടീമിന്റെ നായകസ്ഥാനത്ത് നിന്ന് സൂര്യകുമാര്‍ യാദവിനെ മാറ്റിയതായി റിപ്പോര്‍ട്ടുകള്‍. ക്യാപ്റ്റന്‍സിയില്‍ നിന്ന് ഒഴിവാക്കിയതിന് പുറമെ സൂര്യയെ ടീമില്‍ നിന്നും മാറ്റിയേക്കുമെന്നും സൂചനയുണ്ട്. ഇന്ത്യയെ ടി20 ലോകകപ്പ് കിരീടത്തിലേക്ക് നയിച്ച് മൂന്ന് മാസങ്ങള്‍ക്ക് ശേഷമാണ് ബിസിസിഐയുടെ ഈ നീക്കം.
കഴിഞ്ഞ രണ്ട് വര്‍ഷമായി രാജ്യാന്തര ക്രിക്കറ്റില്‍ സ്ഥിരതയാര്‍ന്ന പ്രകടനം നടത്താന്‍ കഴിയാതിരുന്നതും, ഈ വര്‍ഷത്തെ ഐപിഎല്ലിലെ മോശം ഫോമുമാണ് ഈ തീരുമാനത്തിന് പിന്നിലെന്നാണ് റിപ്പോര്‍ട്ട്. ഐപിഎല്‍ ഈ സീസണിലെ 13 ഇന്നിംഗ്‌സുകളില്‍ നിന്ന് 270 റണ്‍സ് മാത്രമാണ് സൂര്യകുമാറിന് നേടാനായത്. രാജസ്ഥാന്‍ റോയല്‍സിനെതിരായ അവസാന മത്സരത്തിലെ അര്‍ധ സെഞ്ച്വറി മാത്രമാണ് ഇതില്‍ ശ്രദ്ധേയമായത്.
സൂര്യകുമാറിന് പകരം സഞ്ജു സാംസണ്‍, ശ്രേയസ് അയ്യര്‍ എന്നിവരുടെ പേരുകളാണ് പുതിയ നായകസ്ഥാനത്തേക്ക് ബിസിസിഐ പരിഗണിക്കുന്നത്. ഈ മാസം നടക്കുന്ന അയര്‍ലന്‍ഡ് പര്യടനത്തോടെ ശ്രേയസ് അയ്യര്‍ ഇന്ത്യന്‍ ടി20 ടീമിന്റെ പുതിയ നായകനായി ചുമതലയേറ്റെടുക്കുമെന്നും സ്ഥിരീകരിക്കാത്ത റിപ്പോര്‍ട്ടുകളുണ്ട്.
ലോകകപ്പ് കിരീടനേട്ടത്തിന് പിന്നാലെ മാറ്റം; ഇന്ത്യന്‍ ടി20 ടീമിന്റെ നായകസ്ഥാനത്ത് നിന്ന് സൂര്യകുമാര്‍ പുറത്തേക്ക്
Jaihind TV News Report
Jaihind TV Web Desk
Updated Oct 12, 2026
2 min read
316 reads
