ചെന്നൈ: ആന്ധ്രയിലെ പ്രമുഖ രാഷ്ട്രീയ നേതാവും വ്യവസായിയുമായ വൈ.എസ്. അനില്‍ റെഡ്ഡിയുടെ മകള്‍ ശ്രേയയുടെ വിവാഹസത്കാരത്തില്‍ അതിഥികളായെത്തി തമിഴ്നാട് മുഖ്യമന്ത്രി സി. ജോസഫ് വിജയ്യും നടി തൃഷയും. ചെന്നൈ ലീലാ പാലസില്‍ വെച്ച് നടന്ന പ്രൗഢഗംഭീരമായ ചടങ്ങിലാണ് ഇരുവരും ഒന്നിച്ചെത്തി വധൂവരന്മാരായ ശ്രേയയ്ക്കും ഉജ്വലിനും ആശംസകള്‍ നേര്‍ന്നത്.
വേദിയിലേക്ക് ഒന്നിച്ച് കയറിയ വിജയ്യും തൃഷയും വധൂവരന്മാര്‍ക്ക് പൂച്ചെണ്ടുകള്‍ സമ്മാനിച്ചു. തുടര്‍ന്ന് വൈ.എസ്. ജഗന്‍ മോഹന്‍ റെഡ്ഡി ഉള്‍പ്പെടെയുള്ള പ്രമുഖര്‍ക്കൊപ്പം ഇരുവരും ഫോട്ടോയ്ക്ക് പോസ് ചെയ്തു. വിജയ്യും തൃഷയും സത്കാരത്തിനെത്തിയ ദൃശ്യങ്ങളും ചിത്രങ്ങളും നിലവില്‍ സാമൂഹികമാധ്യമങ്ങളില്‍ വ്യാപകമായി പ്രചരിക്കുന്നുണ്ട്.
ബി.ആര്‍.എസ് നേതാവ് കെ.ടി. രാമറാവു, പ്രമുഖ വ്യവസായി ഗൗതം അദാനി എന്നിവരടക്കം രാഷ്ട്രീയ-വ്യവസായ രംഗത്തെ പ്രമുഖര്‍ മൂന്ന് ദിവസം നീണ്ടുനില്‍ക്കുന്ന വിവാഹാഘോഷങ്ങളില്‍ പങ്കെടുത്തതായാണ് റിപ്പോര്‍ട്ടുകള്‍. ആന്ധ്ര മുന്‍ മുഖ്യമന്ത്രി വൈ.എസ്. രാജശേഖര റെഡ്ഡിയുടെ സഹോദരന്റെ മകനാണ് വൈ.എസ്. അനില്‍ റെഡ്ഡി. ജഗന്‍ മോഹന്‍ റെഡ്ഡിയുടെ ഏറ്റവും അടുത്ത വിശ്വസ്തരില്‍ ഒരാളായാണ് അനില്‍ റെഡ്ഡി അറിയപ്പെടുന്നത്.
വൈ.എസ്. അനില്‍ റെഡ്ഡിയുടെ മകളുടെ വിവാഹസത്കാരം: ചെന്നൈയില്‍ ഒന്നിച്ചെത്തി വിജയ്യും തൃഷയും; ചിത്രങ്ങള്‍ വൈറൽ
ആന്ധ്ര രാഷ്ട്രീയ നേതാവ് വൈ.എസ്. അനിൽ റെഡ്ഡിയുടെ മകളുടെ ചെന്നൈയിൽ വെച്ച് നടന്ന വിവാഹസത്കാരത്തിൽ തമിഴ്നാട് മുഖ്യമന്ത്രി സി. ജോസഫ് വിജയ്യും നടി തൃഷയും ഒന്നിച്ചെത
Jaihind TV News Report
Jaihind TV Web Desk
2 min read
259 reads
