വടക്കുംനാഥ ക്ഷേത്ര മൈതാനത്ത് അതിക്രമിച്ചുകയറി; ബിജെപിക്കെതിരെ പരാതി നല്കി കൊച്ചിന് ദേവസ്വം ബോര്ഡ്
തൃശൂര്: വടക്കുംനാഥ ക്ഷേത്ര മൈതാനത്ത് അനധികൃതമായി സ്വാതന്ത്ര്യദിനാഘോഷ പരിപാടി സംഘടിപ്പിച്ചത് ചൂണ്ടിക്കാട്ടി ബിജെപിക്കെതിരെ പൊലീസില് പരാതി നല്കി കൊച്ചിന് ദേവസ്വം ബോര്ഡ്. തേക്കിന്കാട് മൈതാനം രാഷ്ട്രീയ പരിപാടികള്ക്കായി ഉപയോഗിക്കരുതെന്ന ഹൈക്കോടതി ഉത്തരവ് നിലനില്ക്കെയാണ് ബിജെപി പ്രവര്ത്തകര് പരിപാടി നടത്തിയത് എന്ന് ദേവസ്വം ബോര്ഡിന്റെ പരാതിയില് പറയുന്നു. സംഭവത്തില് കര്ശന നിയമനടപടി സ്വീകരിക്കണമെന്നാണ് പോലീസിനോട് ആവശ്യപ്പെട്ടിരിക്കുന്നത്.
വന്ദേമാതരം ആലപിക്കുന്നതുമായി ബന്ധപ്പെട്ട പ്രതിഷേധത്തിന്റെ ഭാഗമായാണ് ബിജെപി തൃശൂരില് സമാന്തര സ്വാതന്ത്ര്യദിനാഘോഷം സംഘടിപ്പിച്ചത്. മന്ത്രി ഒ ജെ ജനീഷ് പങ്കെടുക്കുന്ന ജില്ലാതല സ്വാതന്ത്ര്യദിനാഘോഷ ചടങ്ങുകള് നടക്കുന്നതിനിടെയായിരുന്നു തേക്കിന്കാട് മൈതാനത്ത് ബിജെപി പ്രതിഷേധ പരിപാടി നടത്തിയത്. അതേസമയം ബിജെപിയുടെ നടപടിയെ രൂക്ഷമായ ഭാഷയിലാണ് മന്ത്രി വിമര്ശിച്ചത്. വന്ദേമാതരത്തിന്റെ പേരില് തൃശ്ശൂരില് ബിജെപി നടത്തിയ പ്രതിഷേധം സ്വാതന്ത്ര്യദിനത്തിന്റെ പവിത്രത കളങ്കപ്പെടുത്തുന്നതാണെന്ന് അദ്ദേഹം പറഞ്ഞു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.