നാളെ കേന്ദ്ര ബജറ്റ്: കേരളം എന്ത് പ്രതീക്ഷിക്കണം?

ന്യൂഡൽഹി: ഇന്ത്യയുടെ 2025 കേന്ദ്ര ബജറ്റ്   കേന്ദ്ര ധനമന്ത്രി നിർമല സീതാരാമന്‍ ഫെബ്രുവരി 1 നാളെ അവതരിപ്പിക്കും. മൂന്നാം മോദി സർക്കാരിന്‍റെ രണ്ടാം ബജറ്റാണ് അവതരിപ്പിക്കാന്‍ പോകുന്നത്. കേരളത്തിന് പ്രത്യേക ശ്രദ്ധ ലഭിക്കുമോ എന്ന് കണ്ടറിയണം. പ്രളയത്തിനും ലോക്ഡൗണിനും ശേഷം സാമ്പത്തിക മന്ദഗതിയോടെ യാത്രചെയ്തിരുന്ന കാലഘട്ടത്തിന് ശേഷം, കേരളത്തിന് ആവശ്യമുള്ള സാമ്പത്തിക ഉത്തേജനവും സുസ്ഥിരമായ വികസനവും  ഈ ബജറ്റില്‍ ഉള്‍ക്കൊള്ളും എന്ന് തന്നെ പ്രതീക്ഷിക്കാം. കേരളം അടുത്ത കാലങ്ങളിൽ  റോഡ്, റെയിൽ, മെട്രോ പ്രോജക്റ്റുകൾക്കായി ധനസഹായം ആവശ്യപ്പെട്ടിരുന്നു. സർക്കാർ, കേന്ദ്ര ബജറ്റിൽ ഇതിന് കൂടുതൽ ഫണ്ട് അനുവദിക്കുമെന്ന പ്രതീക്ഷയുമുണ്ട്. ഒപ്പം കർഷകർക്ക്,  ധനസഹായവും ടെക്‌നോളജി പിന്തുണയും ആവശ്യമാണ്. പുതിയ കേന്ദ്ര പദ്ധതികൾ ഈ മേഖലയിലേക്കും ഊന്നല്‍ കൊടുക്കും എന്ന പ്രതീക്ഷയിലാണ് കേരളം. കേരള സംസ്ഥാനം ജനപ്രിയമായ പൊതുആരോഗ്യ രംഗം ശക്തിപ്പെടുത്തുന്നതിനായി, കൂടുതൽ ഫണ്ടുകൾ, പുതിയ പദ്ധതികള്‍ എന്നിവ കേരളത്തിനു ലഭിക്കേണ്ടതുണ്ട്.  കേരളത്തിൽ പുതിയ തൊഴിൽ അവസരങ്ങൾ സൃഷ്ടിക്കുന്നതിന് കേന്ദ്ര ബജറ്റിലൂടെ ശക്തിപ്പെടുത്തും എന്ന  പ്രതീക്ഷയും നിലവില്‍ ഉണ്ട്. അതുപോലെ തന്നെ കേരളത്തിന്‍റെ പ്രധാന വരുമാനശേഖരണ മേഖലയായ ടൂറിസം രംഗത്ത്, പുതിയ പദ്ധതികള്‍ വർദ്ധിപ്പിക്കാൻ കേന്ദ്ര ബജറ്റിൽ പ്രത്യേക ശ്രദ്ധയും ആവശ്യമാണ്. കാരണം, കോവിഡ് കാലത്ത് ഏറ്റവും തകർന്ന് പോയ മേഖല കൂടിയാണ് ടൂറിസം. ഈ ബജറ്റ്, ആഗോള സാമ്പത്തിക സാഹചര്യങ്ങളിൽ നിന്ന് മുക്തി നേടാനും  കേരളത്തിലെ വികസനത്തിനായി പുതിയ മാർഗങ്ങൾ കണ്ടെത്താന്‍ സഹായിക്കുമെന്നും കരുതാം. എന്നാല്‍, വയനാട് ദുരന്തത്തില്‍ കേരളത്തിന് നേരെ കണ്ണടച്ചത് ഓർമ്മപ്പെടുത്തലാണ്. ദേശീയ ദുരന്തമായി വയനാട് ഉരുള്‍പ്പൊട്ടല്‍ പ്രഖ്യാപിച്ചിട്ടും കേരളത്തിന് സാമ്പത്തികമായി അവഗണനയാണ് ലഭിച്ചത്. അതിനാല്‍ നാളെ അവതരിപ്പിക്കുന്ന ബജറ്റില്‍ കേരളത്തിന് എന്ത് ലഭിക്കും എന്ന് കണ്ടറിയണം.