തിരുവനന്തപുരം: തിരുവനന്തപുരം മൃഗശാലയില്‍ ഹൈന പ്രസവിച്ചു. സെപ്റ്റംബര്‍ 13 ന് രാവിലെയാണ് രണ്ടു കുഞ്ഞുങ്ങളെ മൃഗശാല ജീവനക്കാരന്‍ കണ്ടെത്തിയത്. കാണ്‍പൂരില്‍ നിന്ന് എത്തിച്ച ഹൈന ജോഡികളാണ് കുഞ്ഞുങ്ങള്‍ക്ക് ജന്മം നല്‍കിയത്. അമ്മയും കുഞ്ഞുങ്ങളും പൂര്‍ണ്ണ ആരോഗ്യത്തോടെ സുഖമായിരിക്കുന്നു.
കുഞ്ഞുങ്ങളുടെ സുരക്ഷ മുന്‍നിര്‍ത്തി അധികൃതര്‍ ഉടനടി അടിയന്തര നടപടികള്‍ സ്വീകരിച്ചു. കൂട്ടിനുള്ളില്‍ ഉണ്ടായിരുന്ന ആണ്‍ ഹൈനയെയും തൊട്ടടുത്ത കൂട്ടിലുണ്ടായിരുന്ന മറ്റൊരു ജോഡി ഹൈനയെയും തുറന്ന കൂട്ടില്‍ നിന്ന് ആനിമല്‍ ഹൗസിലേക്ക് മാറ്റിപ്പാര്‍പ്പിച്ചു.
കുഞ്ഞുങ്ങളുടെയും തള്ളയുടെയും സുരക്ഷിതത്വം ഉറപ്പാക്കുന്നതിനായി രണ്ട് ജീവനക്കാരെ പ്രത്യേക നിരീക്ഷണത്തിനായി ചുമതലപ്പെടുത്തിയിട്ടുണ്ട്. കൂട്ടിലെ ഒരു കുഴിക്കുള്ളിലാണ് തള്ള ഹൈന നിലവില്‍ കുഞ്ഞുങ്ങളെ പരിപാലിക്കുന്നത്.
തിരുവനന്തപുരം മൃഗശാലയിലേക്ക് പുതിയ അതിഥികള്‍: ഹൈന കുഞ്ഞുങ്ങള്‍ പിറന്നു
Jaihind TV News Report
Jaihind TV Web Desk
Updated Oct 11, 2026
1 min read
408 reads
