ശബരിമല മേല്‍ശാന്തി നിയമനത്തിലെ മാനദണ്ഡത്തില്‍ ഇളവ് വേണമെന്ന ആവശ്യം ഉയരുന്നതിനിടയില്‍ ദേവസ്വം ബോര്‍ഡ് യോഗം ഇന്ന് ചേരും. ദിവസം മൂന്ന് പൂജകള്‍ ഉള്ള ക്ഷേത്രത്തില്‍ തുടര്‍ച്ചയായി 10 വര്‍ഷം സേവനമനുഷ്ഠിച്ചിട്ടുണ്ട് എന്ന മാനദണ്ഡത്തില്‍ ഇളവ് വേണം എന്നാണ് അപേക്ഷ നല്‍കിയ പൂജാരിമാരും ദേവസ്വം സംഘടനകളും ആവശ്യപ്പെടുന്നത്.
ഇ ടെന്‍ഡര്‍ രേഖകള്‍ ചോര്‍ന്നതിനെ തുടര്‍ന്ന് റദ്ദാക്കിയ കടകളുടെ ഇ ടെന്‍ഡര്‍ വീണ്ടും നടത്തുന്ന നടപടി സംബന്ധിച്ചും ചര്‍ച്ചകള്‍ നടക്കും. ശബരിമല മണ്ഡലകാല തീര്‍ത്ഥാടനത്തിലെ മുന്നൊരുക്കങ്ങളും യോഗം വിലയിരുത്തും. മുന്നൊരുക്കങ്ങള്‍ സംബന്ധിച്ച് ഓരോ ആഴ്ചയും കൃത്യമായ വിവരങ്ങള്‍ മുഖ്യമന്ത്രിക്കും ദേവസ്വം വകുപ്പിനും നല്‍കണമെന്നാണ് സര്‍ക്കാര്‍ നിര്‍ദ്ദേശിച്ചിരിക്കുന്നത്.
ശബരിമല മേല്‍ശാന്തി നിയമനം: ദേവസ്വം ബോര്‍ഡ് യോഗം ഇന്ന് ചേരും
Jaihind TV News Report
Jaihind TV Web Desk
Updated Oct 13, 2026
1 min read
181 reads
