പുതുപ്പള്ളിയിൽ ഇവിഎം സുരക്ഷയിൽ ആശങ്ക; തിരഞ്ഞെടുപ്പ് കമ്മീഷന് പരാതിയുമായി ചാണ്ടി ഉമ്മൻ
പുതുപ്പള്ളി നിയമസഭ തിരഞ്ഞെടുപ്പിന്റെ വോട്ടെണ്ണൽ നടക്കാനിരിക്കെ, വോട്ടിംഗ് മെഷീനുകൾ (EVM) സൂക്ഷിച്ചിരിക്കുന്ന സ്ട്രോങ്ങ് റൂമിലെ സുരക്ഷാ ക്രമീകരണങ്ങളിൽ അതൃപ്തി അറിയിച്ച് യുഡിഎഫ് സ്ഥാനാർത്ഥി ചാണ്ടി ഉമ്മൻ. സ്ട്രോങ്ങ് റൂമിൽ കൃത്യമായ സുരക്ഷാ മാനദണ്ഡങ്ങൾ പാലിച്ചില്ലെന്നും സിസിടിവി ക്യാമറകൾ പ്രവർത്തനക്ഷമമായിരുന്നില്ലെന്നും അദ്ദേഹം മാധ്യമങ്ങളോട് വെളിപ്പെടുത്തി. ഈ വീഴ്ചകളെക്കുറിച്ച് ഉദ്യോഗസ്ഥരെ അറിയിച്ചതിനെത്തുടർന്ന് നിലവിൽ നടപടികൾ സ്വീകരിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
വോട്ടിംഗ് മെഷീനുകളുടെ സുരക്ഷയ്ക്ക് പുറമെ, വോട്ടെണ്ണൽ കേന്ദ്രത്തിലെ ക്രമീകരണങ്ങളിലും ചാണ്ടി ഉമ്മൻ പരാതി ഉന്നയിച്ചിട്ടുണ്ട്. പുതുപ്പള്ളി, ചങ്ങനാശേരി മണ്ഡലങ്ങളിലെ വോട്ടെണ്ണൽ ഒരേ ഹാളിൽ തന്നെ ക്രമീകരിച്ചിരിക്കുന്നതിനെതിരെയാണ് തിരഞ്ഞെടുപ്പ് കമ്മീഷന് പരാതി നൽകിയത്. നിലവിലെ സാഹചര്യങ്ങളിൽ തനിക്ക് ആശങ്കയുണ്ടെന്നും വോട്ടെണ്ണൽ ഫലം പുറത്തുവന്നതിന് ശേഷം കൂടുതൽ കാര്യങ്ങൾ വെളിപ്പെടുത്തുമെന്നും ചാണ്ടി ഉമ്മൻ മാധ്യമങ്ങളോട് പറഞ്ഞു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.