പൃഥ്വിരാജിന്റെ ‘ഒടിയൻ: ദി ഏജ് ഓഫ് ഇല്യൂഷൻ’ ചിത്രീകരണം തുടങ്ങി
പൃഥ്വിരാജ് സുകുമാരനെ നായകനാക്കി രാഹുൽ സദാശിവൻ സംവിധാനം ചെയ്യുന്ന പുതിയ ചിത്രം ‘ഒടിയൻ: ദി ഏജ് ഓഫ് ഇല്യൂഷൻ’ ചിത്രീകരണം ആരംഭിച്ചു. ചിത്രത്തിന്റെ പൂജ ചടങ്ങുകളോടെയാണ് സിനിമയ്ക്ക് തുടക്കമായത്.
പൃഥ്വിരാജ് പ്രൊഡക്ഷൻസും ഇന്ത്യൻ സിനിമയിലെ പ്രമുഖ നിർമാണ കമ്പനിയായ ധർമ്മ പ്രൊഡക്ഷൻസും ആദ്യമായി കൈകോർക്കുന്ന ചിത്രം എന്ന പ്രത്യേകതയും ‘ഒടിയൻ: ദി ഏജ് ഓഫ് ഇല്യൂഷൻ’നുണ്ട്. കരൺ ജോഹർ, അദാർ പൂനാവാല, അപൂർവ മേത്ത, സുപ്രിയ മേനോൻ എന്നിവർ ചേർന്നാണ് ചിത്രം നിർമ്മിക്കുന്നത്.
‘ഭൂതകാലം’, ‘ഭ്രമയുഗം’, ‘ഡയസ് ഇറേ’ എന്നീ ചിത്രങ്ങളിലൂടെ ശ്രദ്ധേയനായ രാഹുൽ സദാശിവന്റെ അടുത്ത ചിത്രമാണിത്. പൃഥ്വിരാജ് സുകുമാരനും മഞ്ജു വാര്യരുമാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
പത്തൊൻപതാം നൂറ്റാണ്ടിലെ കേരളത്തിന്റെ പശ്ചാത്തലത്തിലാണ് ചിത്രം ഒരുങ്ങുന്നത്. കേരളത്തിന്റെ പ്രാദേശിക ഐതിഹ്യങ്ങളും മിത്തുകളും കോർത്തിണക്കി ഒരുക്കുന്ന ചിത്രം, രാഹുൽ സദാശിവന്റെ മുൻ ചിത്രങ്ങളിലെ വ്യത്യസ്തമായ അവതരണ ശൈലി പിന്തുടരുന്ന ഒരു കാലഘട്ട സിനിമയായിരിക്കുമെന്നാണ് അണിയറപ്രവർത്തകർ നൽകുന്ന സൂചന.
പൃഥ്വിരാജ് പ്രൊഡക്ഷൻസും ധർമ്മ പ്രൊഡക്ഷൻസും തമ്മിലുള്ള ഈ കൂട്ടുകെട്ട് മലയാള സിനിമയ്ക്ക് പുറമെ ദേശീയ തലത്തിലും ചിത്രത്തിന് വലിയ പ്രതീക്ഷകൾ നൽകുന്നുണ്ട്.
Tags
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.