തിരുവനന്തപുരം: സംസ്ഥാനത്ത് ലഹരി മാഫിയകള്‍ക്കെതിരെ പോലീസ് ആരംഭിച്ച 'ഓപ്പറേഷന്‍ തൂഫാന്‍' കൂടുതല്‍ ശക്തമാക്കുമെന്ന് ആഭ്യന്തര മന്ത്രി രമേശ് ചെന്നിത്തല. ഇതിനായി പ്രത്യേക നര്‍ക്കോട്ടിക് ഇന്‍വെസ്റ്റിഗേഷന്‍ ടീമിന് രൂപം നല്‍കിയിട്ടുണ്ടെന്നും ഉത്തരേന്ത്യയില്‍ വേരുകളുള്ള വലിയ ലഹരിശൃംഖലയെ പോലീസ് ഇതിനോടകം പിടികൂടിയതായും മന്ത്രി വ്യക്തമാക്കി. ലഹരിയെത്തുന്ന പ്രധാന കേന്ദ്രങ്ങളിലേക്ക് അന്വേഷണം വ്യാപിപ്പിക്കുകയാണ്.
'തൂഫാന്റെ' രണ്ടാംഘട്ടം സെപ്റ്റംബര്‍ 28-ന് മുഖ്യമന്ത്രി ഉദ്ഘാടനം ചെയ്യും. 'തൂഫാന്‍ ഹണ്ട്' എന്ന പേരില്‍ ഈ പ്രചാരണം വാര്‍ഡ് തലങ്ങളിലേക്ക് വ്യാപിക്കും. തദ്ദേശ സ്വയംഭരണ സ്ഥാപനങ്ങള്‍, റസിഡന്‍സ് അസോസിയേഷനുകള്‍ എന്നിവയുടെ പൂര്‍ണ്ണ സഹകരണത്തോടെയാകും പദ്ധതി മുന്നോട്ട് കൊണ്ടുപോകുക. ലഹരി നിര്‍മ്മാര്‍ജ്ജനത്തില്‍ കേരളം രാജ്യത്തിനും ലോകത്തിനും വലിയൊരു മാതൃകയാണ് നല്‍കുന്നതെന്നും മന്ത്രി കൂട്ടിച്ചേര്‍ത്തു. പദ്ധതിയുടെ ഭാഗമായി അടുത്ത മാസം കൊച്ചിയില്‍ നടക്കുന്ന ചടങ്ങില്‍ മോഹന്‍ലാലിനൊപ്പം തമിഴ്‌നാട് മുഖ്യമന്ത്രി ജോസഫ് വിജയ്‌യും പങ്കെടുക്കും. നടപടികളില്‍ യാതൊരുവിധ രാഷ്ട്രീയ പരിഗണനയും ഉണ്ടാകില്ലെന്നും കുറ്റക്കാര്‍ക്കെതിരെ ശക്തമായ നിലപാട് തുടരുമെന്നും അദ്ദേഹം മുന്നറിയിപ്പ് നല്‍കി.
'ഓപ്പറേഷന്‍ തൂഫാന്‍' ശക്തമാക്കും; രണ്ടാംഘട്ട ഉദ്ഘാടനം 28-ന്: ആഭ്യന്തര മന്ത്രി രമേശ് ചെന്നിത്തല
Jaihind TV News Report
Jaihind TV Web Desk
Updated Oct 13, 2026
2 min read
555 reads
