യൂത്ത് ലീഗ് പ്രവര്‍ത്തകനും ഓട്ടോ ഡ്രൈവറുമായിരുന്ന ഒതായി പള്ളിപ്പറമ്പന്‍ മനാഫിനെ കൊലപ്പെടുത്തിയ കേസില്‍ മുന്‍ എംഎല്‍എ പി.വി അന്‍വറിന്റെ സഹോദരപുത്രനും ഒന്നാം പ്രതിയുമായ ഷഫീഖിന് ജീവപര്യന്തം തടവും ഒരു ലക്ഷം രൂപ പിഴയും. മഞ്ചേരി അഡീഷണല്‍ ജില്ലാ സെഷന്‍സ് കോടതിയാണ് ശിക്ഷ വിധിച്ചത്. പിഴ അടച്ചില്ലെങ്കില്‍ ഒരു വര്‍ഷം അധിക തടവ് അനുഭവിക്കണം.
പിഴത്തുക രണ്ടാം സാക്ഷിയായ ഫാത്തിമയ്ക്ക് നല്‍കണമെന്നാണ് കോടതിയുടെ ഉത്തരവ്. കൊല്ലപ്പെട്ട മനാഫിന്റെ സഹോദരിയാണ് ഫാത്തിമ. കേസില്‍ ഷഫീഖ് കുറ്റക്കാരനാണെന്ന് കോടതി കണ്ടെത്തിയിരുന്നു. മൂന്നു പ്രതികളെ കോടതി വെറുതെവിട്ടു. കേസിലെ മൂന്നാം പ്രതി മാലങ്ങാടന്‍ ഷെരീഫ്, 17-ാം പ്രതി നിലമ്പൂര്‍ സ്വദേശി മുനീബ്, 19-ാം പ്രതി എളമരം സ്വദേശി കബീര്‍ എന്നിവരെയാണ് കോടതി വെറുതെ വിട്ടത്. മാലങ്ങാടന്‍ ഷെരീഫും പി.വി അന്‍വറിന്റെ മറ്റൊരു സഹോദരപുത്രനാണ്. മുന്‍പ് അന്‍വര്‍ ഉള്‍പ്പെടെ കേസില്‍ 21 പ്രതികളെ കോടതി കുറ്റവിമുക്തരാക്കിയിരുന്നു. 25 വര്‍ഷം ഒളിവില്‍ കഴിഞ്ഞ നാലു പ്രതികളെയാണ് മനാഫിന്റെ സഹോദരന്‍ അബ്ദുല്‍ റസാഖ് നടത്തിയ നിയമ പോരാട്ടത്തിനൊടുവില്‍ പിടികൂടിയത്. 1995 ഏപ്രില്‍ 13ന് ഒതായി അങ്ങാടിയില്‍ വച്ചാണ് മനാഫിനെ അടിച്ചും കുത്തിയും കൊലപ്പെടുത്തിയതെന്ന് പ്രോസിക്യൂഷന്‍ കേസ്.
29 വര്‍ഷത്തെ നിയമ പോരാട്ടം; ഒതായി മനാഫ് വധക്കേസില്‍ പി.വി. അന്‍വറിന്റെ സഹോദരപുത്രന് ജീവപര്യന്തം
Jaihind TV News Report
Jaihind TV Web Desk
Updated Oct 04, 2026
2 min read
30 reads
യൂത്ത് ലീഗ് പ്രവര്‍ത്തകനും ഓട്ടോ ഡ്രൈവറുമായിരുന്ന ഒതായി പള്ളിപ്പറമ്പന്‍ മനാഫിനെ കൊലപ്പെടുത്തിയ കേസില്‍ മുന്‍ എംഎല്‍എ പി.വി അന്‍വറിന്റെ സഹോദരപുത്രനും ഒന്നാം പ്രതിയുമായ ഷഫീഖിന് ജീവപര്യന്തം തടവും ഒരു ലക്ഷം രൂപ പിഴയും. മഞ്ചേരി അഡീഷണല്‍ ജില്ലാ സെഷന്‍സ് കോടതിയാണ് ശിക്ഷ വിധിച്ചത്. പിഴ അടച്ചില്ലെങ്കില്‍ ഒരു വര്‍ഷം അധിക തടവ് അനുഭവിക്കണം.
പിഴത്തുക രണ്ടാം സാക്ഷിയായ ഫാത്തിമയ്ക്ക് നല്‍കണമെന്നാണ് കോടതിയുടെ ഉത്തരവ്. കൊല്ലപ്പെട്ട മനാഫിന്റെ സഹോദരിയാണ് ഫാത്തിമ. കേസില്‍ ഷഫീഖ് കുറ്റക്കാരനാണെന്ന് കോടതി കണ്ടെത്തിയിരുന്നു. മൂന്നു പ്രതികളെ കോടതി വെറുതെവിട്ടു. കേസിലെ മൂന്നാം പ്രതി മാലങ്ങാടന്‍ ഷെരീഫ്, 17-ാം പ്രതി നിലമ്പൂര്‍ സ്വദേശി മുനീബ്, 19-ാം പ്രതി എളമരം സ്വദേശി കബീര്‍ എന്നിവരെയാണ് കോടതി വെറുതെ വിട്ടത്. മാലങ്ങാടന്‍ ഷെരീഫും പി.വി അന്‍വറിന്റെ മറ്റൊരു സഹോദരപുത്രനാണ്. മുന്‍പ് അന്‍വര്‍ ഉള്‍പ്പെടെ കേസില്‍ 21 പ്രതികളെ കോടതി കുറ്റവിമുക്തരാക്കിയിരുന്നു. 25 വര്‍ഷം ഒളിവില്‍ കഴിഞ്ഞ നാലു പ്രതികളെയാണ് മനാഫിന്റെ സഹോദരന്‍ അബ്ദുല്‍ റസാഖ് നടത്തിയ നിയമ പോരാട്ടത്തിനൊടുവില്‍ പിടികൂടിയത്. 1995 ഏപ്രില്‍ 13ന് ഒതായി അങ്ങാടിയില്‍ വച്ചാണ് മനാഫിനെ അടിച്ചും കുത്തിയും കൊലപ്പെടുത്തിയതെന്ന് പ്രോസിക്യൂഷന്‍ കേസ്.
