ന്യൂഡല്‍ഹി: ഡല്‍ഹി-എന്‍.സി.ആര്‍ ഉള്‍പ്പെടെയുള്ള ഉത്തരേന്ത്യന്‍ സംസ്ഥാനങ്ങളിലെ വിവിധ പ്രദേശങ്ങളില്‍ ശക്തമായ ഭൂചലനം അനുഭവപ്പെട്ടു. രാത്രി 10.20-ഓടെയാണ് ഉത്തരാഖണ്ഡിലെ ചമോലി പ്രഭവകേന്ദ്രമായി ഭൂചലനമുണ്ടായത്. റിക്ടര്‍ സ്‌കെയിലില്‍ 4.9 തീവ്രത രേഖപ്പെടുത്തിയ ഭൂപകമ്പത്തിന്റെ ആഴം ഭൂകമ്പമാപിനിയില്‍ 13 കിലോമീറ്ററാണെന്ന് നാഷണല്‍ സെന്റര്‍ ഫോര്‍ സീസ്‌മോളജി സ്ഥിരീകരിച്ചു.
ഉത്തരാഖണ്ഡിന് പുറമെ ഡല്‍ഹി, നോയിഡ, ഗുരുഗ്രാം, ഹിമാചല്‍ പ്രദേശ്, പഞ്ചാബ്, ഹരിയാന എന്നിവിടങ്ങളിലും തുടര്‍ചലനങ്ങള്‍ അനുഭവപ്പെട്ടു. ഭയം കാരണം പലയിടങ്ങളിലും ആളുകള്‍ കെട്ടിടങ്ങളില്‍ നിന്ന് പുറത്തേക്ക് ഓടി രക്ഷപ്പെട്ടു. എന്നാല്‍ തീവ്രത കുറഞ്ഞ ചലനമായതിനാല്‍ ആളപായമോ മറ്റ് ഭൗതിക നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ലെന്ന് അധികൃതര്‍ അറിയിച്ചു.
ഉത്തരേന്ത്യയില്‍ ശക്തമായ ഭൂചലനം: പ്രഭവകേന്ദ്രം ഉത്തരാഖണ്ഡിലെ ചമോലി; ഡല്‍ഹി ഉള്‍പ്പെടെയുള്ള പ്രദേശങ്ങളില്‍ പ്രകമ്പനം
Jaihind TV News Report
Jaihind TV Web Desk
1 min read
56 reads
