ആര്‍.എസ്.എസ് ആസ്ഥാനമായ നാഗ്പുരില്‍ ബി.ജെ.പിക്ക് തിരിച്ചടി നല്‍കി മഹാരാഷ്ട്ര നിയമനിര്‍മാണ കൗണ്‍സില്‍ തിരഞ്ഞെടുപ്പില്‍ കോണ്‍ഗ്രസിന് വിജയം. നാഗ്പുര്‍ ഡിവിഷന്‍ ബിരുദധാരികളുടെ മണ്ഡലത്തില്‍ സിറ്റിങ് എം.എല്‍.സി അഭിജിത് വന്‍ജാരി വീണ്ടും വിജയിച്ചു. ബി.ജെ.പി സ്ഥാനാര്‍ഥി സുധാകര്‍ കോഹ്ലയെ 3,271 വോട്ടുകള്‍ക്കാണ് വന്‍ജാരി പരാജയപ്പെടുത്തിയത്.
വന്‍ജാരിക്ക് 67,231 വോട്ടും കോഹ്ലയ്ക്ക് 63,960 വോട്ടും ലഭിച്ചു. ചൊവ്വാഴ്ച രാവിലെ ആരംഭിച്ച വോട്ടെണ്ണല്‍ 40 മണിക്കൂറിലേറെ നീണ്ടു. മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസിന്റെയും കേന്ദ്രമന്ത്രി നിതിന്‍ ഗഡ്കരിയുടെയും സ്വന്തം തട്ടകമാണ് നാഗ്പുര്‍. ഇരുവരും ബി.ജെ.പി സ്ഥാനാര്‍ഥിക്കായി പ്രചാരണരംഗത്ത് സജീവമായിരുന്നു. ആര്‍.എസ്.എസ് ആസ്ഥാനവും ബി.ജെ.പിയുടെ ശക്തികേന്ദ്രവുമായി അറിയപ്പെടുന്ന നാഗ്പുരില്‍ സീറ്റ് നിലനിര്‍ത്താനായത് കോണ്‍ഗ്രസിനും പ്രതിപക്ഷ മഹാവികാസ് അഘാഡിക്കും രാഷ്ട്രീയമായി നേട്ടമായി.
നാഗ്പുരില്‍ ബി.ജെ.പിക്ക് തിരിച്ചടി; മഹാരാഷ്ട്ര ലെജിസ്ലേറ്റീവ് കൗണ്‍സില്‍ തിരഞ്ഞെടുപ്പില്‍ കോണ്‍ഗ്രസിന് തിളക്കമാര്‍ന്ന വിജയം
Jaihind TV News Report
Jaihind TV Web Desk
1 min read
187 reads
