മലയിടം തുരുത്ത് ഭൂമിപ്രശ്‌നത്തില്‍ തര്‍ക്ക പരിഹാരം. ജില്ലയുടെ ചുമതലയുള്ള ഉന്നത വിദ്യാഭ്യാസ വകുപ്പ് മന്ത്രി റോജി.എം. ജോണിന്റെ നേതൃത്വത്തില്‍ നടത്തിയ നിരന്തര ഇടപെടലുകള്‍ക്കും, ചര്‍ച്ചകള്‍ക്കുമൊടുവിലാണ് വിഷയം രമ്യമായി പരിഹരിച്ചിരിക്കുന്നത്. സര്‍ക്കാര്‍ മുന്നോട്ട് വെച്ച ഫോര്‍മുല ഇരുകൂട്ടരും അംഗീകരിച്ചതോടെയാണ് തര്‍ക്ക പരിഹാരമായത്.
ദളിത് കുടുംബങ്ങളെ കുടിയിറക്കാതെ തന്നെ മലയിടംതുരുത്തില്‍ തന്നെ വീട് വെച്ച് നല്‍കും. അഞ്ച് സെന്റ് വീതം ശങ്കരന്‍ നായരുടെ സ്ഥലത്ത് തന്നെ നല്‍കാനും തീരുമാനമായി. 1000 സ്‌ക്വയര്‍ഫീറ്റ് വീട് സര്‍ക്കാര്‍ മുന്‍കയ്യെടുത്ത് നിര്‍മിച്ചു നല്‍കുമെന്നാണ് മന്ത്രി റോജി.എം.ജോണ്‍ നല്‍കിയ ഉറപ്പ്. പുതിയ വീട് നിര്‍മ്മിക്കുന്നത് വരെ നിലവിലുള്ള വീട്ടില്‍ താമസിക്കുന്നതിനും, സമരക്കാര്‍ക്കെതിരെ എടുത്തിട്ടുള്ള കേസുകള്‍ പിന്‍വലിക്കാനും തീരുമാനമായി. ജൂണ്‍ 15നകം കരാര്‍ ഒപ്പുവെച്ച് 16ന് കോടതിയില്‍ സമര്‍പ്പിക്കാനും ധാരണയായിട്ടുണ്ട്.
മന്ത്രി റോജി എം. ജോണിന്റെ ഇടപെടല്‍ ഫലം കണ്ടു; മലയിടംതുരുത്ത് ഭൂമിത്തര്‍ക്കത്തില്‍ പരിഹാരം
Jaihind TV News Report
Jaihind TV Web Desk
Updated Oct 13, 2026
1 min read
541 reads
