തിരുവനന്തപുരം: സംസ്ഥാന സർക്കാരിന്റെ പരമോന്നത സാഹിത്യ ബഹുമതിയായ എഴുത്തച്ഛൻ പുരസ്കാരം 2026 പ്രമുഖ സാഹിത്യകാരൻ മേതിൽ രാധാകൃഷ്ണന് . മന്ത്രി പി സി വിഷ്ണുനാഥ്‌ വാർത്ത സമ്മേളനത്തിൽ ജേതാവിനെ പ്രഖ്യാപിച്ചു. 5ലക്ഷം രൂപയും പ്രശസ്തി പത്രവും ഫലകവുമാണ് പുരസ്കാരം.
മലയാള പ്രിയ കവി കെ.ജി. എസ് അധ്യക്ഷനും കല്പറ്റ നാരായണൻ, കെ. സച്ചിദാനന്ദൻ, സാറ ജോസഫ് എന്നിവർ അംഗങ്ങളും എം. പി സുരേന്ദ്രൻ മെമ്പർ സെക്രട്ടറിയുമായ ജൂറിയാണ് ജേതാവിനെ ഏകകണഠമായി തിരഞ്ഞെടുത്തത്. നവംബർ അവസാന വാരത്തിൽ നടക്കുന്ന ചടങ്ങിൽ പുരസ്കാരം സമ്മാനിക്കും.
