അരീക്കോട്: അരീക്കോടും പരിപര പ്രദേശങ്ങളും കേന്ദ്രീകരിച്ച് മയക്കുമരുന്ന് വിപ്പന നടത്തി വന്ന അന്തര്‍ സംസ്ഥാന ലഹരി കടത്ത് സംലത്തിലെ രണ്ടു പേര്‍ പിടിയിലായി. അരീക്കാട് താഴത്തങ്ങാടി സ്വദേശി ചീമാടന്‍ വീട്ടില്‍ നിജില്‍ (22), കാവനൂര്‍ അത്താണിക്കല്‍ സ്വദേശി കവണഞ്ചേരി വീട്ടില്‍ മുഹമ്മദ് ഷാന്‍ (21) എന്നിവരാണ് പിടിയിലായത്. ഇന്ന് പുലര്‍ച്ചെ അരീക്കോട് പത്തനാപുരത്ത് വച്ച് നടത്തിയ വാഹന പരിശോധനയിലാണ് 8 ഗ്രാം എംഡിഎംഎയുമായി ഇവര്‍ പിടിയിലായത്.
വില്പനക്കായി എംഡിഎംഎ ബാംഗ്ലൂരില്‍ നിന്നും വാങ്ങി അരീക്കോട്ടേക്ക് വരുന്നതിനിടെയാണ് പ്രതികള്‍ പിടിയിലായത്. 2023 ല്‍ എംഡിഎംഎയുമായി നിജിലിനെ ബാംഗ്ലൂര്‍ പോലീസ് പിടികൂടിയിരുന്നു. ഈ കേസില്‍ ജാമ്യത്തില്‍ ഇറങ്ങി വീണ്ടും ലഹരി കടത്തില്‍ സജീവമാവുകയായിരുന്നു. മലപ്പുറം ജില്ല പോലീസ് മേധാവി ചൈത്രാ തെരേസാ ജോണ്‍ ഐപിഎസിനു ലഭിച്ച രഹസ്യ വിവരത്തിന്റെ അടിസ്ഥാനത്തില്‍ കൊണ്ടാട്ടി എഎസ്പി കാര്‍ത്തിക് ബാലകുമാര്‍, എസ്‌ഐ സൈലേഷ് എസിവരുടെ നേതൃത്വത്തില്‍ ഡാന്‍സാഫ് സംഘമാണ് പ്രതികളെ പിടികൂടി അന്വേഷണം നടത്തുന്നത്.
