മാസപ്പടി കേസിൽ മുന്‍ മുഖ്യമന്ത്രി പിണറായി വിജയനെതിരെയുള്ള അന്വേഷണം എൻഫോഴ്സ്മെന്റ് ഡയറക്ടറേറ്റ് (ഇ.ഡി) കൂടുതൽ ഊർജ്ജിതമാക്കുന്നു. കേസിൽ നേരത്തെ വിജിലൻസ് നൽകിയ എഫ്.ഐ.ആർ നിലവിൽ സുപ്രീം കോടതി റദ്ദാക്കിയിട്ടില്ലെന്നും, അതിനാൽ അന്വേഷണ നടപടികളുമായി ഇ.ഡിക്ക് മുന്നോട്ടു പോകുന്നതിൽ നിയമതടസ്സങ്ങളില്ലെന്നുമുള്ള നിയമോപദേശമാണ് ഇഡിക്കു ലഭിച്ചിരിക്കുന്നത്.
വിജിലൻസിന്റെ മുൻപിലുണ്ടായിരുന്ന എഫ്.ഐ.ആർ നിയമപരമായി നിലനിൽക്കുന്ന സാഹചര്യത്തിൽ, കേസിന്റെ നിഷ്പക്ഷവും സമഗ്രവുമായ അന്വേഷണം തുടരാൻ ഇ.ഡിക്ക് പൂർണ്ണ അധികാരമുണ്ടെന്ന് മുതിർന്ന അഭിഭാഷകർ വ്യക്തമാക്കുന്നു. ഇതിന്റെ അടിസ്ഥാനത്തിൽ, സാമ്പത്തിക ഇടപാടുകളിലെ ക്രമക്കേടുകൾ, സ്വകാര്യ കമ്പനിയും പിണറായിയും തമ്മിലുള്ള സാമ്പത്തിക ബന്ധങ്ങൾ എന്നിവ കേന്ദ്രീകരിച്ച് കൂടുതൽ തെളിവുകൾ ശേഖരിക്കാനും അടുത്ത ഘട്ട അന്വേഷണ നടപടികളിലേക്ക് കടക്കാനുമാണ് ഇ.ഡിയുടെ നീക്കം.
