തിരുവനന്തപുരം: സംസ്ഥാനത്ത് ഭരണനിര്‍വഹണം കാര്യക്ഷമമാക്കുന്നതിന്റെ ഭാഗമായി ഐഎഎസ് തലപ്പത്ത് വീണ്ടും വന്‍ അഴിച്ചുപണി. വിവിധ വകുപ്പുകളിലെ മുതിര്‍ന്ന ഉദ്യോഗസ്ഥരെ സ്ഥലംമാറ്റിയും പുതിയ അധിക ചുമതലകള്‍ നല്‍കിയും സര്‍ക്കാര്‍ ഉത്തരവിറക്കി. പുതിയ ഉത്തരവ് പ്രകാരം ഡോ. എസ്. കാര്‍ത്തികേയനെ എക്സൈസ് കമ്മീഷണറായി നിയമിച്ചു. ഇതിനുപുറമെ ജലവിഭവ വകുപ്പ് സെക്രട്ടറിയുടെ അധിക ചുമതലയും അദ്ദേഹത്തിന് നല്‍കിയിട്ടുണ്ട്.
എം.ജി. രാജമാണിക്യമാണ് പുതിയ തദ്ദേശ സ്വയംഭരണ വകുപ്പ് സെക്രട്ടറി. ഇന്‍ഫര്‍മേഷന്‍ കേരള മിഷന്റെ അധിക ചുമതലയും അദ്ദേഹം വഹിക്കും. ഡി. ബാലമുരളിയെ പുതിയ ഭക്ഷ്യ സിവില്‍ സപ്ലൈസ് വകുപ്പ് സെക്രട്ടറിയായും, ജെറോമിക് ജോര്‍ജിനെ വിഴിഞ്ഞം പോര്‍ട്ടിന്റെയും മാരിടൈം ബോര്‍ഡിന്റെയും ചുമതലയിലേക്കും നിയമിച്ചു.
നിലവിലെ കെഎസ്ഇബി ചെയര്‍മാന്‍ ചുമതലയ്ക്ക് പുറമെ മൃഗശാല, മ്യൂസിയം, ആര്‍ക്കിയോളജി ഉള്‍പ്പെടെയുള്ള വകുപ്പുകളുടെ സ്‌പെഷ്യല്‍ സെക്രട്ടറി ചുമതല കൂടി എന്‍. പ്രശാന്തിന് നല്‍കിയിട്ടുണ്ട്. ടി.വി. സുഭാഷിനെ കൃഷിവകുപ്പ് സ്‌പെഷ്യല്‍ സെക്രട്ടറിയായും, ശര്‍മിള മേരി ജോര്‍ജിന് കേരള ട്രാന്‍സ്‌പോര്‍ട്ട് ഡെവലപ്‌മെന്റ് ഫിനാന്‍സ് കോര്‍പ്പറേഷന്റെ അധിക ചുമതലയും നല്‍കി.
കൂടാതെ, എസ്. സുഹാസിനെ കേരള അഗ്രോ ഇന്‍ഡസ്ട്രീസ് കോര്‍പ്പറേഷന്റെ മാനേജിങ് ഡയറക്ടറായും സ്‌പെഷ്യല്‍ സെക്രട്ടറിയായും നിയമിച്ചു. അബ്ദുല്‍ നാസറിന് പാര്‍ലമെന്ററി കാര്യവകുപ്പില്‍ സ്‌പെഷ്യല്‍ സെക്രട്ടറി, അഡീഷണല്‍ സെക്രട്ടറി എന്നീ ചുമതലകളാണ് നല്‍കിയിരിക്കുന്നത്
സംസ്ഥാനത്ത് ഐഎഎസ് തലപ്പത്ത് വൻ അഴിച്ചുപണി; എക്സൈസ് കമ്മീഷണറായി ഡോ. എസ്. കാർത്തികേയൻ
Jaihind TV News Report
Jaihind TV Web Desk
2 min read
238 reads
