എക്സൈസ് വകുപ്പ് സ്വീകരിച്ചിരിക്കുന്നത് തികച്ചും നിയമാനുസൃതമായ നടപടികളാണെന്ന് എക്സൈസ് വകുപ്പ് മന്ത്രി എം. ലിജു വ്യക്തമാക്കി. കേസിൽ ഏതൊക്കെ വകുപ്പുകൾ ചുമത്തണമെന്ന് തീരുമാനിക്കേണ്ടത് അന്വേഷണ ഉദ്യോഗസ്ഥനാണ്. പ്രാഥമിക അന്വേഷണ റിപ്പോർട്ടിന്റെ അടിസ്ഥാനത്തിലാണ് നിലവിലെ വകുപ്പുകൾ ചേർത്തത്. ഇതിലൂടെ ആരെയും പ്രത്യേകമായി ഉപദ്രവിക്കാനോ സഹായിക്കാനോ ഉദ്ദേശിച്ചിട്ടില്ലെന്നും, ഇത് മാധ്യമസ്വാതന്ത്ര്യത്തിന്മേലുള്ള കടന്നുകയറ്റമല്ലെന്നും നിയമം അതിന്റെ വഴിക്ക് തന്നെ മുന്നോട്ട് പോകുമെന്നും മന്ത്രി പറഞ്ഞു.
സംസ്ഥാനത്തെ പുതിയ മദ്യനയ രൂപീകരണത്തിനായുള്ള ചര്‍ച്ചകള്‍ സെപ്റ്റംബര്‍ 23-ന് ആരംഭിക്കുമന്നും 28 വരെ നീളുന്ന ചര്‍ച്ചകളില്‍ എല്ലാ വിഭാഗം ജനങ്ങളുടെയും അഭിപ്രായങ്ങള്‍ തേടുമെന്നും മന്ത്രി അറിയിച്ചു. കൂടാതെ, പൊതുജനങ്ങള്‍ക്കും അവരുടെ നിര്‍ദ്ദേശങ്ങളും അഭിപ്രായങ്ങളും അറിയിക്കാന്‍ അവസരമുണ്ടാകും. മുന്നണിതലത്തിലുള്ള ചര്‍ച്ചകള്‍കൂടി പൂര്‍ത്തിയാക്കിയ ശേഷമായിരിക്കും സര്‍ക്കാര്‍ പുതിയ മദ്യനയത്തിന് അന്തിമരൂപം നല്‍കുകയെന്നും അദ്ദേഹം അറിയിച്ചു.
