തിരുവനന്തപുരം: സംസ്ഥാനത്ത് അടുത്ത രണ്ട് മാസത്തേക്ക് വൈദ്യുതി പ്രതിസന്ധിയുണ്ടാകില്ലെന്ന് കെ.എസ്.ഇ.ബി. നിലവിലെ സാഹചര്യത്തില്‍ പുറത്തുനിന്ന് വൈദ്യുതി വാങ്ങേണ്ട ആവശ്യമില്ലെന്ന് KSEB ചെയര്‍മാന്‍ എന്‍. പ്രശാന്തും ഊര്‍ജ്ജ സെക്രട്ടറിയും മുഖ്യമന്ത്രി വി.ഡി. സതീശനെ നേരില്‍കണ്ട് അറിയിച്ചു. പ്രതിസന്ധിയില്ലാത്തതിനാല്‍ പുതിയ ജി.എന്‍.എ ഹ്രസ്വകാല വൈദ്യുതി കരാറുമായി തത്കാലം സര്‍ക്കാര്‍ മുന്നോട്ട് പോകില്ല.
അതിനിടെ, ഉടന്‍ വൈദ്യുതി കരാറിലഭിച്ചില്ലെങ്കില്‍ പവര്‍കട്ട് അനിവാര്യമാണെന്ന മുന്‍ കെ.എസ്.ഇ.ബി ചെയര്‍മാന്‍ രാജമാണിക്യത്തിന്റെ കുറിപ്പ് വലിയ വിവാദമായിട്ടുണ്ട്. വൈദ്യുതിക്ഷാമമുണ്ടെന്ന് കാണിച്ച് അടിയന്തര തീരുമാനമെടുക്കാന്‍ സമ്മര്‍ദ്ദം ചെലുത്തിയതിന് പിന്നിലെ സാഹചര്യം എന്താണെന്ന് വിശദമായി പരിശോധിക്കാന്‍ മുഖ്യമന്ത്രി നിര്‍ദ്ദേശം നല്‍കി. ഈ കുറിപ്പ് ഏത് സാഹചര്യത്തിലാണ് തയ്യാറാക്കിയതെന്ന് സര്‍ക്കാര്‍ പ്രത്യേകമായി പരിശോധിക്കും
സംസ്ഥാനത്ത് അടുത്ത 2 മാസത്തേക്ക് വൈദ്യുതി പ്രതിസന്ധിയില്ലെന്ന് KSEB; വിവാദ കുറിപ്പിൽ അന്വേഷണത്തിന് ഉത്തരവിട്ട് മുഖ്യമന്ത്രി
Jaihind TV News Report
Jaihind TV Web Desk
1 min read
258 reads
