സംസ്ഥാനത്ത് ഇന്നും പരക്കെ മഴ; 6 ജില്ലകളിൽ യെല്ലോ അലർട്ട്, കാലവർഷം നാല് ദിവസത്തിനകം എത്തും
സംസ്ഥാനത്ത് ഇന്നും പരക്കെ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. അതേസമയം കോട്ടയം, എറണാകുളം, ഇടുക്കി, കോഴിക്കോട്, വയനാട്, കണ്ണൂർ ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്. പരക്കെ മഴ ലഭിക്കുന്നതിനൊപ്പം ശക്തമായ കാറ്റിനും ഇടിമിന്നലിനും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് അധികൃതർ നിർദ്ദേശിക്കുന്നു.
അടുത്ത നാല് ദിവസത്തിനുള്ളിൽ കാലവർഷം കേരളാ തീരം തൊടുമെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നത്. ഇതിന്റെ ഭാഗമായി വരുന്ന ദിവസങ്ങളിലും സംസ്ഥാനത്ത് മഴയുടെ ശക്തി വർദ്ധിക്കാൻ സാധ്യതയുണ്ട്.കാലാവസ്ഥ പ്രക്ഷുബ്ധമായതിനെത്തുടർന്ന് കേരളാ തീരത്ത് മത്സ്യത്തൊഴിലാളികൾക്ക് കർശന ജാഗ്രതാ നിർദ്ദേശം നൽകിയിട്ടുണ്ട്. കേരള - ലക്ഷദ്വീപ് തീരങ്ങളിൽ ഇന്ന് മുതൽ ജൂൺ 3 വരെ മത്സ്യബന്ധനത്തിന് പോകുന്നതിനാണ് പൂർണ്ണ വിലക്കേർപ്പെടുത്തിയിരിക്കുന്നത്. അതേസമയം കർണാടക തീരത്ത് നിലവിൽ മത്സ്യബന്ധനത്തിന് തടസ്സമില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.