തിരുവനന്തപുരം: പ്രളയജലം കയറി നാശനഷ്ടം സംഭവിച്ച പത്തനംതിട്ട ജില്ലയിലെ കുടുംബങ്ങള്‍ക്ക് അടിയന്തര ആശ്വാസമായി സര്‍ക്കാര്‍ 25.64 കോടി രൂപ അനുവദിച്ചു. പ്രളയബാധിതരായ 25,648 കുടുംബങ്ങളുടെ വീടുകള്‍ വാസയോഗ്യമാക്കുന്നതിനും അറ്റകുറ്റപ്പണികള്‍ക്കുമായാണ് തുക വിനിയോഗിക്കുക. ഒരു കുടുംബത്തിന് 10,000 രൂപ വീതമാണ് അടിയന്തര ധനസഹായമായി നല്‍കുന്നത്. സംസ്ഥാന ദുരന്ത പ്രതികരണ നിധി, മുഖ്യമന്ത്രിയുടെ ദുരിതാശ്വാസ നിധി എന്നിവയില്‍ നിന്നാണ് ഈ തുക അനുവദിച്ചിട്ടുള്ളത്. സഹായധനം ലഭ്യമാക്കുന്നത് സംബന്ധിച്ച് പത്തനംതിട്ട ജില്ലാ കളക്ടര്‍ക്ക് നിര്‍ദ്ദേശം നല്‍കിയിട്ടുണ്ട്. ദുരിതാശ്വാസ തുക വൈകാതെ തന്നെ ഗുണഭോക്താക്കളുടെ ബാങ്ക് അക്കൗണ്ടുകളിലേക്ക് നേരിട്ട് കൈമാറും.
പത്തനംതിട്ടയിലെ പ്രളയബാധിത കുടുംബങ്ങൾക്ക് 10,000 രൂപ ധനസഹായം; 25.64 കോടി രൂപ അനുവദിച്ച് സർക്കാർ
Jaihind TV News Report
Jaihind TV Web Desk
Updated Oct 12, 2026
1 min read
810 reads
