തിരുവനന്തപുരം: സംസ്ഥാനത്തിന്റെ യഥാര്‍ത്ഥ ധനസ്ഥിതി വ്യക്തമാക്കുന്ന ധവളപത്രം നാളെ നിയമസഭയുടെ മേശപ്പുറത്ത് വച്ചേക്കും. ഗവര്‍ണറുടെ നയപ്രഖ്യാപന പ്രസംഗത്തിന്മേലുള്ള നന്ദിപ്രമേയ ചര്‍ച്ച നാലിന് അവസാനിക്കാനിരിക്കെയാണ് ധവളപത്രം സഭയിലെത്തുന്നത്. പിന്നാലെ 19-ന് ഈ വര്‍ഷത്തെ സംസ്ഥാന ബജറ്റ് നിയമസഭയില്‍ അവതരിപ്പിക്കും.
കഴിഞ്ഞ പത്ത് വര്‍ഷത്തെ സര്‍ക്കാരിന്റെ ധൂര്‍ത്ത്, വരുമാനച്ചോര്‍ച്ച, നികുതി പിരിവിലെ ഗുരുതരമായ വീഴ്ചകള്‍ എന്നിവ ധവളപത്രത്തില്‍ അക്കമിട്ട് നിരത്തുമെന്നാണ് സൂചന. ഇതിനുപുറമെ, കേന്ദ്ര വിഹിതമായി ലഭിച്ച തുക, അതിന്റെ ചെലവഴിക്കല്‍ രീതികള്‍, വകമാറ്റി ചെലവഴിക്കല്‍ എന്നിവയുമായി ബന്ധപ്പെട്ട കൃത്യമായ വിവരങ്ങളും ധവളപത്രത്തിലൂടെ പുറത്തുകൊണ്ടുവരും.
നേരത്തെ ഇന്ധനങ്ങള്‍ക്ക് ക്ഷേമ പെന്‍ഷന്‍ സെസായി രണ്ട് രൂപ ഏര്‍പ്പെടുത്തിയതിനെത്തുടര്‍ന്ന് അയല്‍സംസ്ഥാനങ്ങളുമായി വലിയ വിലവ്യത്യാസം രൂപപ്പെട്ടിരുന്നു. ഇത് കേരളത്തില്‍ ഒന്നര ലക്ഷം കോടി ലിറ്ററിന്റെ ഡീസല്‍ ഉപയോഗം കുറയാന്‍ കാരണമായെന്നാണ് വിലയിരുത്തല്‍. നികുതി വെട്ടിച്ച് അയല്‍സംസ്ഥാനങ്ങളില്‍ നിന്ന് വന്‍തോതില്‍ ഇന്ധനം കടത്തി ഇവിടെ വില്‍ക്കുന്നത് തടയാനും, മുന്‍ എല്‍.ഡി.എഫ് സര്‍ക്കാരിന്റെ കാലത്തുണ്ടായ ഭീമമായ നികുതി നഷ്ടം ഒഴിവാക്കാനുമുള്ള കര്‍ശന നടപടികള്‍ ധവളപത്രത്തിന്റെ അടിസ്ഥാനത്തില്‍ പുതിയ സര്‍ക്കാര്‍ പ്രഖ്യാപിച്ചേക്കും.
സംസ്ഥാനത്തിന്റെ സാമ്പത്തിക സ്ഥിതി: സര്‍ക്കാര്‍ ധവളപത്രം നാളെ സഭയില്
Jaihind TV News Report
Jaihind TV Web Desk
Updated Oct 12, 2026
2 min read
334 reads
